09:05, 14 - ءساۋىر 2022 | GMT +5
وزبەكستاندا سالماعى 7 كيلوگرام نارەستە دۇنيەگە كەلدى
تاشكەنت. قازاقپارات - وزبەكستاننىڭ سىرداريا وبلىسىندا سالماعى 7 ك گ قىز بالا دۇنيەگە كەلدى، دەپ حابارلايدى قازاقپارات وزبەكستاننىڭ «Uza» اگەنتتىگىنە سىلتەمە جاساپ.

سىرداريا اۋداندىق مەديتسينا بىرلەستىگىنىڭ باس دارىگەرى سانات قادىروۆتىڭ سوزىنشە، نارەستەنىڭ جاعدايى جاقسى.
وعان جانە اناسىنا دارىگەرلەر مەن مەدبيكەلەر كومەك كورسەتەدى. نارەستە كەسار تىلىگى ارقىلى دۇنيەگە كەلدى. مۇنداي جاعداي سىرداريا وبلىسىنىڭ تاريحىندا ءبىرىنشى رەت بولىپ وتىر.
انا اتانعان 1998 -جىلعى ايەل سىرداريا وبلىسىنىڭ تۇرعىنى جانە بۇل ونىڭ العاشقى پەرزەنتى.
ايتا كەتەيىك، جاڭا تۋعان نارەستەلەردىڭ سالماعى ادەتتە 3,4 ك گ بولىپ كەلەدى. ولاردىڭ اراسىندا 2,5 جانە 4,5 ك گ ارالىعىنداعى سالماقپەن تۋاتىندارى دا بار. بۇدان جوعارى سالماقپەن دۇنيە ەسىگىن اشاتىندار نەبارى %5 قۇرايدى.