سەرىلىكتىڭ 7 بەلگىسى: جىگىتتەر زامان تالابىنا ساي قالاي كيىنۋ كەرەك
دەگەنمەن 21-عاسىردىڭ سەرىسى قانداي بولۋ كەرەك دەيتىن سۇراق تۋىندايدى.
باعزىدا سال - سەرىلەر دالا كەزىپ، اۋىل- اۋىلدى ارالاپ، ءان سالىپ جۇرگەن. ولاردىڭ مارتەبەسى بيىكتە تۇردى. ءبىراق سول سەرىلەردىڭ جالعاسى بۇگىنگى ۇرپاق نەمەن ەرەكشەلەنۋ كەرەك؟ «ادام كوركى - شۇبەرەك» دەگەن. بۇگىنگى زامان تالابىنا ساي قالاي كيىنگەنىمىز ابزال؟ سىزدەرگە سەگىز ءتۇرلى بەلگىنى وقۋعا كەڭەس بەرەمىز.
1. موينىڭىزعا تاققان گالۋستۋگىڭىز نە ۇزىن نە قىسقا بولماعانى ابزال. بەلگىلى ءبىر ولشەم مەن رەتتىلىكتى ساقتاعانى ءجون.
2. كەۋدەدەگى قالتاعا شىت سالىپ ءجۇرۋ ابەستىك ەمەس. كەرىسىنشە ءسىزدىڭ اجارىڭىزدى اشادى. ءبىراق ونى دا دۇرىس تاڭداي بىلگەن جاقسى. تۇرلەندىرىپ تە سالىپ قويۋىڭىز. باستىسى كيىمدەرىڭىزگە ءتان تۇسپەن استاسىپ جاتسا جەتكىلىكتى.
3. ەسىڭىزدە بولسىن، اياق كيىم مەن بەلدىكتىڭ ءتۇسى بىردەي بولۋ كەرەك. بۇل قاتىپ قالعان زاڭدىلىق ەمەس، دەگەنمەن كوز تارتارلىق ۇيلەسىم بولعانى ءجون.
4. جاڭادان كيىم ساتىپ العاننان كەيىن مىندەتتى تۇردە كيمەستەن بۇرىن ەتيكەتكاسىن الىپ تاستاۋدى ۇمىتپاڭىز. ۇمىتىپ كەتىپ، ۇياتقا قالىپ جۇرمەڭىز.
5. مويىنعا اسىپ الاتىن سومكەلەردىڭ زامانى وتكەن. ءبىراق قازىرگى كەزدە كوپ پايدالانىپ ءجۇرمىز. بارىنشا قولعا ۇستاۋعا ارنالعان سومكەلەر نەمەسە پورتفەلدەر الىپ ءجۇرىڭىز. سىمباتتىلىققا سومكەنىڭ دە اسەرى بار.
6. شالباردىڭ ەڭ كەرەمەتىن تاڭداڭىز. بارىنشا قولدان تىگىلگەن، تىگىسى جاقسى، قىرى قىرلانىپ تۇرعانىن ىزدەڭىز. جاساندى ءارى ارزان دۇنيەگە جۇگىرۋدى قويىڭىز.
7. ەسكەرۋ كەرەك تاعى ءبىر دۇنيە، شالباردىڭ جەردەن ۇزىندىعى 1,5-2 س م عانا بولۋ كەرەك. قاتتى قىسقالىق تا، ۇزىندىق تا ءسىزدىڭ بۇكىل سىرت كەلبەتىڭىزگە اسەر ەتەدى. اتالعان جەتى ءتۇرلى بەلگىنى دۇرىس پايدالانا بىلسەڭىز، سىزدەن اسقان سىمباتتى ءارى سەرى جىگىت بولمايدى. قاي كەزدە بولماسىن جاقسى كيىم مەن جاقسى ءجۇرۋ - مادەنيەتتىلىكتىڭ ءبىر بەلگىسى.
اقمەشىت جاستارى گازەتى