بەت پەن دەنە تەرىسىنە كەشكى كۇتىم جاساۋدىڭ 7 ەرەجەسى
ءبىز ۇيىقتاپ جاتقاندا تەرى قارقىندى قالپىنا كەلىپ، كۇنى بويى جينالعان لاستىقتان ارىلادى. سوندىقتان بۇل ۋاقىتتا ول اسا كۇتىمدى قاجەت ەتەدى. تەرى ساۋلىعى مەن سۇلۋلىعىن ساقتاۋ ءۇشىن كەشكى ىستەر قاتارىنا قانداي ادەتتەردى قوسۋ كەرەگىن ۇسىنامىز.
ماكياجدى تولىق كەتىرىپ، تەرىنى تازارتىڭىز
قانشالىقتى شارشاپ تۇرساڭىز دا، ماكياجبەن ۇيىقتاۋ — ۇلكەن قاتەلىك. ەگەر تاڭەرتەڭ تەرىڭىز شارشاڭقى جانە بوس كورىنگەنىن قالاماساڭىز، ۇيىقتار الدىندا مۇقيات ماكياجدى كەتىرۋ كەرەك. ول ءۇشىن ساپالى قۇرالدار قولدانىڭىز. ولاردىڭ اراسىندا تازارتاتىن گەلدەر نەمەسە مايلار، سكرابتار جانە ميتسەلليارلىق سۋ بولۋى كەرەك. جىلى سۋمەن جۋىنعان دۇرىس، سەبەبى ول لاستىقتى جاقسى كەتىرەدى جانە بەتتىڭ نازىك تەرىسىن تىتىركەندىرمەيدى.
ارنايى قۇرامى بار كۇتىم قۇرالدارىن قولدانىڭىز
تۇنگى جانە كۇندىزگى كۇتىم قۇرالدارىنىڭ قۇرامى ءارتۇرلى. مىسالى، بەتكە ارنالعان تۇنگى ماسكالار قارقىندى ىلعالداندىرۋعا جانە ەپيدەرميستىڭ جوعارعى قاباتىن قالپىنا كەلتىرۋگە باعىتتالعان. بەتكە جانە دەنەگە ارنالعان تۇنگى قۇرالداردىڭ قۇرامىندا ماڭىزدى ءرولدى گيالۋرون قىشقىلى مەن كوللاگەن وينايدى. بۇل زاتتار ىلعال جوعالۋىنىڭ الدىن الادى جانە تەرى جاسۋشالارى مەن ولاردىڭ يىلگىشتىگىنىڭ قالپىنا كەلۋىنە ىقپال ەتەدى.
بەت پەن دەنە تەرىسىنە تۇنگى كرەمدەردى ۋاقىتىلى جاعىڭىز
تەرىنى كۇتۋدى قانشالىقتى ەرتە باستاساڭىز، سونشالىقتى ول ساۋ ءارى تارتىمدى كورىنەدى. ساراپشىلاردىڭ ويىنشا، 20 جاستا كۇندەلىكتى ىستەر قاتارىنا تۇنگى كرەمدەر مەن ماسكالار جاعۋدى قوسۋ كەرەك. قۇرالداردى تەرى تيپىنە قاراي تاڭداۋ ماڭىزدى.
ۇيىقتار الدىندا قولعا ارنالعان كرەم پايدالانىڭىز
ايەلدىڭ جاسىن ونىڭ قول تەرىسىنىڭ جاعدايىنا قاراپ بىلۋگە بولادى. سوندىقتان دا قول تەرىسىنە تۇنگى كۇتىم جاساۋ اسا ماڭىزدى. توسەگىڭىزدىڭ قاسىنداعى سورەگە قولعا ارنالعان كرەم سالىپ قويىڭىز دا، كۇندە ۇيىقتار الدىندا قولعا كرەم جاعۋدى ادەتكە اينالدىرىڭىز. كرەممەن بىرگە تىرناق اينالاسىنا ارنالعان ماي دا جاعۋعا بولادى. قولعا كرەم جاققان كەزدە شىنتاقتى ۇمىتپاڭىز.
ەفير مايلارىن قولدانىڭىز
تابيعي ەفير مايلارى فارماتسيەۆتيكالىق دارىلەرگە جاقسى جانە قاۋىپسىز بالاما بولا الادى. ەگەر ۇيقىسىزدىقپەن قينالساڭىز نەمەسە ۇزاق ۇيىقتاپ كەتە الماساڭىز، جاستىققا نەمەسە بىلەككە لاۆاندا ەفير مايىنىڭ بىرنەشە تامشىسىن تامىزىپ جىبەرىڭىز. ونىڭ جاعىمدى ءيىسى تىنىشتاندىراتىن جانە بوساڭسىتاتىن اسەرگە يە.
اياق پەن تابان تەرىسىنە كۇتىم جاساڭىز
اياق تەرىسىن كۇتۋ جانە تابان گيگيەناسىن ساقتاۋ ماڭىزدى. تابان ۇنەمى قۇرعاق بولۋىن باقىلاۋ كەرەك. ول ءۇشىن ولشەمى ءدال كەلەتىن ساپالى اياق كيىم تاڭداۋ كەرەك. اياقتى جۋۋمەن قاتار، ونى ۇيىقتار الدىندا ىلعالداندىرۋ قاجەت. سوندىقتان قۇرامىندا ىلعالداندىراتىن تابيعي مايلارى بار ارنايى كرەمدەر جاعىڭىز.
بەتكە ارنالعان تۇنگى ماسكالار قولدانىڭىز
ارنايى تۇنگى ماسكالاردىڭ قۇرامىندا بەلسەندى زاتتار بار. سوندىقتان دا ولار كۇندىزگى ماسكالارعا قاراعاندا بىردەن بىلىنەتىن ناتيجە بەرەدى. ىلعالداندىرۋشى ماسكالار تەرى جاسۋشالارىن ىلعالمەن تەرەڭ قانىقتىرۋعا باعىتتالعان. سەبەبى تۇندە تەرى جىلدام قىلپىنا كەلەدى، سول ءۇشىن دە ول قوسىمشا ىلعالدى قاجەت ەتەدى. قورەكتىك ماسكالار قۇرامىنا ءجيى تەرىنى قاجەتتى ەلەمەنتتەرمەن قانىقتىراتىن ءتۇرلى تابيعي مايلار كىرەدى. ماماندار تۇنگى كرەمدەردى اپتاسىنا 1-2 رەت قولدانۋ جەتكىلىكتى ەكەنىن ايتادى.
massaget.kz
