10:31, 28 - ماۋسىم 2021 | GMT +5
اقتوبەدە ءبىر اپتادا 7 ادام جول اپاتىنان كوز جۇمدى
اقتوبە. قازاقپارات - اقتوبەدە جول- كولىك اپاتى جيىلەپ كەتتى، سوڭعى ءبىر اپتادا 7 ادام قازا تاپتى، دەپ حابارلايدى قازاقپارات ءتىلشىسى.
ءبىر اپتا ىشىندە وبلىس اۋماعىندا 4 جول- كولىك وقيعاسى تىركەلىپ، 7 ادام قازا بولدى. تاعى بىرنەشە ادام ءتۇرلى دەنە جاراقاتىن الدى. جول- كولىك وقيعاسى كەزىندە جىلدامدىقتى اسىرۋ، كولىك جۇرگىزۋ كەزىندە تاڭعى ۋاقىتتا ۇيىقتاپ كەتۋ فاكتىلەرى دە كوبەيىپ وتىر.
«وبلىستىق پوليتسيا دەپارتامەنتىنىڭ پاترۋلدىك پوليتسيا قىزمەتكەرلەرى حالىقارالىق جانە رەسپۋبليكالىق ماڭىزى بار اۆتوجولداردا تاڭعى ۋاقىتتا بارلىق كولىك قۇرالىن توقتاتىپ، ءتۇسىندىرۋ جۇمىسىن جۇرگىزىپ جاتىر. جول قوزعالىس ەرەجەسىن قاتاڭ ساقتاۋعا تالاپ ەتەمىز. جول قاتەلىكتى كەشىرمەيدى»، - دەپ حابارلادى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
