اقمولا وبلىسىندا 7 قوقىس پوليگونى سالىنادى
«ەكولوگيالىق احۋالعا بايلانىستى جاعداي بارىنشا وزەكتى بولىپ قالۋدا. وبلىستا شەشىم تالاپ ەتەتىن ءبىرقاتار ەكولوگيالىق ماسەلەلەر بار ەكەنى وزدەرىڭىزگە بەلگىلى. ەكولوگيالىق احۋالدى جاقسارتۋ ءۇشىن، وبلىس اكىمدىگى سالالىق مينيسترلىكتەرمەن بىرلەسىپ، ءوڭىردىڭ ەكولوگيالىق ماسەلەسىن 2024 -جىلعا دەيىن كەشەندى شەشۋدىڭ جول كارتاسىن ازىرلەپ بەكىتتى»، - دەدى ە. مارجىقپايەۆ ورتالىق كوممۋنيكاتسيالار قىزمەتىندە.
ونىڭ ايتۋىنشا، بۇل قۇجاتتا اتموسفەراعا زياندى شىعارىلاتىن زاتتاردى تازالاۋ جانە تومەندەتۋ بويىنشا قازىرگى زامانعى تەحنولوگيالاردى ەنگىزۋ، گازيفيكاتسيالاۋ، قاتتى- تۇرمىستىق قالدىقتاردىڭ 7 جاڭا پوليگونىن سالۋ، شۋچينسك- بۋراباي كۋرورتتىق ايماعىنىڭ كولدەرىن تازالاۋ، 5 ەلەكترستانسيا سالۋ جانە تاعى باسقا دا جوبالار قاراستىرىلدى.
وسى ورايدا قاتتى- تۇرمىستىق قالدىقتاردىڭ جەتى جاڭا پوليگونى شۋچينسك، اقكول قالالارىندا، قورعالجىن مەن ارشالىدا، قوسشىدا، قوياندى مەن زەرەندىدە ورنالاسادى. سونىمەن قاتار كوكشەتاۋ قالاسىندا قوقىستى سۇرىپتاۋمەن تۇرمىستىق قالدىقتاردىڭ جاڭا پوليگونىن سالۋ بويىنشا جاڭا جوبا ازىرلەندى. قازىرگى كەزدە ونى راسىمدەۋ جۇمىسى اتقارىلىپ جاتىر.
اۆتور: رۋسلان عابباسوۆ
