مارادونانىڭ ءولىمى بويىنشا 7 مەديتسينا قىزمەتكەرىنە ايىپ تاعىلدى

نۇر-سۇلتان. قازاقپارات - سان-يسيدرو قالاسىنىڭ باس پروكۋراتۋراسى ديەگو مارادونانىڭ ولىمىنە قاتىستى جەتى مەديتسينا قىزمەتكەرىنە ايىپ تاعىپ وتىر، دەپ حابارلايدى قازاقپارات EFE اگەنتتىگىنە سىلتەمە جاساپ.

دارىگەرلەر «ادامدى قاساقانا ءولتىرۋ» بابى بويىنشا 8 جىلدان 25 جىلعا دەيىن باس بوستاندىعىنان ايىرىلۋى مۇمكىن.

پروكۋراتۋرا ەسەبىندە مارادونانىڭ دەنساۋلىعىن باقىلاۋمەن اينالىسقان دارىگەرلەر بريگاداسىنىڭ ەسسىزدىك تانىتىپ، ناۋقاستىڭ حالىن جاعداي ەنشىسىنە قالدىرعانى ايتىلعان.

سان-يسيدرو قالاسىنىڭ باس پروكۋراتۋراسى سوتتان ايىپ تاعىلعاندارعا ارگەنتينادان كەتۋگە تىيىم سالۋدى سۇرادى.

مارادونا وتكەن جىلى 25- قاراشادا 61 جاسىندا دۇنيەدەن ءوتتى. اتى اڭىزعا اينالعان فۋتبولشى جۇرەك قىزمەتىنىڭ جەدەل جەتىسپەۋشىلىگىنەن وكپەسى قابىنىپ، كوز جۇمدى.

مارادونا - 1986-جىلعى الەم چەمپيونى، ⅩⅩ عاسىردىڭ ۇزدىك فۋتبولشىلارىنىڭ ءبىرى. ول بارلىعى 687 ماتچ ويناپ، 369 گول سوققان.