پەتروپاۆلدا نوۋتبۋك پەن پلانشەتتىڭ 7 ءتۇرلى مودەلى شىعارىلادى
تۇتىنۋشىلارعا وتاندىق Zik كومپيۋتەرلەرىنىڭ 7 ءتۇرى ۇسىنىلدى. ولاردى قازىردىڭ وزىندە kaspi.kz جانە ForteMarket ارقىلى ساتىپ الۋعا بولادى. جاقىن ارادا وتاندىق كومپيۋتەرلەردى «قازپوشتانىڭ» بارلىق بولىمشەلەرىنەن دە الۋعا بولاتىن بولادى. زاۋىتتىڭ ينجەنەرلىك الەۋەتى زور جانە ماماندارىنىڭ دەڭگەيى جوعارى. ءونىم ساپاسىنا ەرەكشە نازار اۋدارىلادى. مەملەكەتتىڭ قولداۋىمەن 2018-2020 -جىلدار ىشىندە كاسىپورىندا جاڭعىرتۋ جۇرگىزىلدى.
دالدىك سىنىبى بەس، كوپقاباتتى باسپا پلاتالارىن وندىرۋگە جانە SMD- مونتاجداۋعا ارنالعان جابدىق الىندى.
بۇل زاۋىتقا ەلەكتروندى ونەركاسىپتى، سونىڭ ىشىندە ZIKComputers شىعارۋدى دامىتۋ ءۇشىن قۋاتتى بازا قۇرۋعا مۇمكىندىك بەردى.
ءوندىرىستى قولداۋ ءۇشىن 2 ميلليارد تەڭگەدەن استام قاراجات ءبولىندى. ZIKcomputers جەلىسىنىڭ وندىرىستىك قۋاتى - جىلىنا 100000 بىرلىك كومپيۋتەرلىك تەحنيكا. كومپيۋتەرلىك تەحنيكانى دايىنداۋعا ارنالعان كومپونەنتتەردى سەرىكتەستەرى - ەلەكترونيكا، كومپيۋتەرلىك تەحنيكا جانە سەرۆەرلىك جابدىقتار وندىرىسىندە 30 جىلدىق تاجىريبەسى بار Great Wall كومپانياسى جەتكىزەدى.
ZIK برەندىمەن شىعارىلعان ءاربىر ءونىم Windows 10 Pro ليتسەنزيالىق وپەراتسيالىق جۇيەسىمەن جابدىقتالادى جانە شەتەلدىك انالوگتاردان ەش ايىرماشىلىعى جوق. ال باعاسى ارزانداۋ.
كەڭەس زامانىندا زاۋىت «پوبەدا»، «رەكورد»، «قازاقستان» راديوقابىلداعىشتارىن، «ەسىل» رپۋ جانە باسقا دا قىزىقتى ەلەكتر اسپاپتارىن شىعاردى. جانە ول ونىمدەر جوعارى سۇرانىسقا يە بولدى.