كۇندى دۇرىس جوسپارلاۋعا كومەكتەسەتىن 7 كەڭەس

بۇل يدەيانىڭ ءمانى مىنادا: ءار ادام ءارتۇرلى. بىرەۋگە كۇز جاعادى، بىرەۋگە جاز ۇنايدى، ال بىرەۋ جۇرتتان بۇرىن ەرتە تۇرادى، بىرەۋ تۇنىمەن شابىتتانا جۇمىس ىستەيدى. دەگەنمەن بەيكەر ءار ادامعا قولايلى، ورتاق قاعيدالار بار ەكەنىنە سەنەدى. نازارىڭىزعا كۇندى دۇرىس جوسپارلاۋعا كومەكتەسەتىن ماماننىڭ جەتى كەڭەسىن ۇسىنامىز.

1. مۇمكىن بولسا وياتقىشسىز ويانىڭىز

وياتقىشپەن ويانۋ - سترەسس. وياتقىش اعزادا سترەسس رەاكتسيالارىنىڭ تۇزىلۋىنە سەبەپ بولادى. ودان باس تارتىپ ۇيرەنۋ ءۇشىن ۇيقىعا جۇمسايتىن ۋاقىتتى ەسەپتەپ، ۋاقىتىلى جاتىڭىز.

2. ءار كۇندى گادجەتسىز باستاڭىز

پوشتادا جاۋاپ كۇتىپ تۇرعان حات مىندەتتى تۇردە بولادى. الەۋمەتتىك جەلىدە وقىعىڭ كەپ تۇراتىن پوستتار دا سامساپ تۇرادى. ءبىراق سونىڭ ورنىنا بەس- ون مينۋت تىنىس الۋ جاتتىعۋىن، مەديتاتسيا جاساۋعا داعدىلانعان ءجون. ال ەگەر ەرتە تۇرساڭىز، فيزيكالىق جاتتىعۋعا، تاڭعى اس جاساۋعا، كىتاپ وقۋعا ۋاقىت ارناڭىز.

3. كۇندى ۋاقىت بلوكتارىنا ءبولىڭىز

ادام ءبىر ۋاقىتتا بىرنەشە جۇمىستى قاتار ىستەي المايدى. ىستەسە دە بۇل ءبىز ويلاعانداي ەمەس، ءبىر جۇمىستى تاستاي سالا ەكىنشىسىنە اۋىسىپ وتىرۋ. بۇل ادامنىڭ جۇمىس ونىمدىلىگىن %40 كە تومەندەتىپ جىبەرەدى. سوندىقتان كۇندى جوسپارلاعاندا ءار جۇمىسقا تولىعىمەن بەرىلىپ ىستەيتىندەي ۋاقىت ءبولىڭىز. ول ءۇشىن براۋزەردەگى ارتىق بەتتەردى جاۋىپ، حابارلامالاردى ءوشىرىپ قويىڭىز. وسىنداي ۋاقىت بلوكتارى اراسىندا پوشتاڭىزدى تەكسەرىپ، كەيىنگە قالدىرعان قوڭىراۋلارعا جاۋاپ بەرۋگە بولادى.

4. سپورت پەن تاماقتانۋ ۋاقىتىن الدىن الا بەلگىلەڭىز

ءبىز ءبىر شارۋاعا ۋاقىتىم جوق دەسە، ونى وزىنە پريوريتەت ساناماعانى. ادام وزىنە ەنەرگيا بەرەتىن نارسەدەن باسقاسىنا ۋاقىت تابۋعا بەيىم، ۋاقىتىلى سپورتپەن شۇعىلدانىپ، ۋاقىتىلى تاماقتانۋدىڭ ماڭىزىن كوبى جەتە باعالاي بەرمەيدى. ەگەر ءبىز كليەنتتەرگە، وتباسىمىز بەن دوستارىمىزعا ۋاقىت تاپساق، نە سەبەپتى وزىمىزگە ۋاقىت تاپپايمىز؟

5. بىرنەشە شارۋانى بىرگە تىندىرىپ تاستاڭىز

ءبىر ۋاقىتتا بىرنەشە جۇمىستى قاتار ىستەۋ، ارينە، زيان. ءبىراق ءبىر- بىرىنە كەرەعار بولمايتىن شارۋالار بار. مىسالى جاقىندارىڭىزبەن كەزدەسكەندە بىرگە دۇكەن ارالاپ ۇلگەرۋگە، دوستارىڭىزبەن كەزدەسكەندە بىرگە سپورتپەن شۇعىلدانۋعا، ءۇي جيناپ ءجۇرىپ اۋديوكىتاپ تىڭداۋعا بولادى.

6. ەرتەڭگە جوسپار قۇرىڭىز

ءار مينۋتتى جوسپارلاۋدىڭ قاجەتى جوق. ەرتەڭ ىستەۋىڭىز كەرەك ەڭ نەگىزگى شارۋالاردى ءتىزىپ شىعىڭىز. ال ەگەر جوسپارداعى كەيبىر نارسە ۇناماسا، برايان ترەيسيدىڭ «باقا جەپ ال!» كىتابىنداعى قاعيدانى ورىنداۋ كەرەك. اۆتور ورىندالۋى قيىن نەمەسە ادامعا جاقپايتىن جۇمىستاردى باقاعا تەڭەيدى دە، الدىمەن ەڭ ۇلكەن، ۇسقىنسىز باقانى جەپ الۋعا ۇندەيدى.

7. ۋاقىتىلى ۇيىقتاڭىز

ۇيقىعا قانشا ۋاقىت كەرەگىن انىقتاپ العاننان كەيىن قاي ۋاقىتتا وياناتىنىڭىزعا قاراي ۋاقىتىلى ۇيىقتاپ ۇيرەنىڭىز. كۇندى قالاي باستاساڭىز، سولاي اياقتاڭىز: ەشبىر گادجەتسىز.

massaget.kz