قازاقپارات كۇنتىزبەسى: 7- قىركۇيەك

اتاۋلى كۇندەر

سوعىس ويىنشىقتارىن جويۋ كۇنى

بۇل كۇن 1988-جىلى اتا-انالارىنىڭ قامقورلىعىنان ايىرىلعان جانە جەتىم بالالارعا كومەك جونىندەگى دۇنيەجۇزىلىك قاۋىمداستىقتىڭ باستاماسى بويىنشا العاش رەت اتالىپ ءوتتى.

ەستە قالار وقيعالار

1932-جىلى قازاقستاندا تۇڭعىش رەت كوپ باسىلىمدا گازەت پەن جۋرنال شىعاراتىن ارنايى مامانداندىرىلعان «ءداۋىر» باسپاسى قۇرىلدى.

2001 -جىلى اقتاۋ قالاسىندا ەلباسى ن. نازاربايەۆ بىرنەشە ءىس- شاراعا: پاروم تەرمينالىنىڭ، قالانىڭ «ىنتىماق» الاڭىنداعى «دوستىق» مونۋمەنتىنىڭ اشىلۋ سالتاناتىنا جانە قازاقستان جاستارىنىڭ ءبىرىنشى كونگرەسىنە قاتىستى.

2004 -جىلى استانادا ەۆرەيلەردىڭ ورتالىق ازياداعى ەڭ ۇلكەن «بەيت راحەل - حاباد ليۋباۆيچ» سيناگوگاسى اشىلدى.

2009 -جىلى استانادا ەستونيا رەسپۋبليكاسىنىڭ ورتالىق ازياداعى ءبىرىنشى كونسۋلدىعى اشىلدى. سالتاناتتى شاراعا ەستونيا رەسپۋبليكاسىنىڭ پرەمەر-ءمينيسترى اندرۋس انسيپ، قازاقستان رەسپۋبليكاسىنىڭ سىرتقى ىستەر مينيسترلىگىنىڭ وكىلدەرى، بيزنەسمەندەر قاتىستى.

2010 -جىلى ەۋروپا كوميسسياسىنىڭ الەمگە تانىمال «بەرلامون» عيماراتىندا قازاقستاندىق زاماناۋي ونەر كورمەسىنىڭ سالتاناتتى اشىلۋى ءوتتى، وندا «Has Sanat» گالەرەياسىنىڭ زاماناۋي سۋرەتشىلەرىنىڭ تۋىندىلارى قويىلدى.

2012 -جىلى ماجارستان استاناسى بۋداپەشت قالاسىنداعى «VAM Design Center» ورتالىعىندا تانىمال قازاقستاندىق سۋرەتشى- رەستاۆراتور قىرىم التىنبەكوۆتىڭ جيناعىنداعى ەجەلگى ساقتاردىڭ جاڭارتىلعان دۇنيەلەرىن كورسەتەتىن «التىن ادام - دالا پيراميدالارىنداعى پاتشالىق قورىمدار دۇنيەسى» كورمەسى اشىلدى.

2013 -جىلى قازاقستان پرەزيدەنتى نۇرسۇلتان نازاربايەۆ جانە ق ح ر ءتوراعاسى شي جينپيڭ قازاقستاندىق-قىتايلىق ىسكەرلىك كەڭەستىڭ قۇرىلتايشى وتىرىسى بارىسىندا «بەينەۋ-بوزوي-شىمكەنت» گاز قۇبىرىن ىسكە قوستى.

2016 -جىلى قازاقستاندىق زەرتتەۋشى، تورعاي گەوگليفتەرىن اشقان عالىم دميتري دەي الەمدە بالاماسى جوق قۇپيا نىساندارعا ەكسپەديتسيا ۇيىمداستىرۋعا قاجەتتى قاراجات جيناۋ ماقساتىندا حالىقتىق جوبانىڭ باستالعاندىعىن جاريا ەتتى. تۇركيادا وتكەن ارحەولوگتاردىڭ ەۋروپالىق قاۋىمداستىعىنىڭ فورۋمىندا تورعايلىق نىساندار 2014-جىلدىڭ باستى سەنساتسياسى دەپ تانىلدى.

ال 2015 -جىلدىڭ قورىتىندىسى بويىنشا امەريكالىق بلوگەرلەردىڭ تاڭداۋىمەن تورعاي گەوگليفتەرى جىلدىڭ توپ-10 جاڭالىقتارىنىڭ قاتارىنا ەندى.

2016 -جىلدىڭ جازىندا Qatar Day شەشىلمەگەن قۇپيا نىسانداردىڭ ءتىزىمىن جاسادى، ولاردىڭ قاتارىندا تورعاي گەوگليفتەرى دە بار.

2019 -جىلى د. سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى «التاي - تۇركى الەمىنىڭ التىن بەسىگى» حالىقارالىق كونفەرەنتسياسىن ۇيىمداستىردى. وعان قازاقستان، فرانسيا، رەسەي، تۇركيا، ءۇندىستان، جاپونيا جانە ءازىربايجان ارحەولوگتارى مەن تۇركىتانۋشى عالىمدارى، قازاقستاننىڭ عىلىمي جانە شىعارماشىلىق زيالى قاۋىم وكىلدەرى قاتىستى. ءىس-شارا باستالار الدىندا شىعىس قازاقستان وبلىسىنىڭ اۋماعىندا جاسالعان ارحەولوگيالىق ولجالاردىڭ بىرەگەي ەكسپوزيتسياسى اشىلدى. كورمەدەگى نەگىزگى ەكسپوناتتار ب. ز. د. IV- III عاسىرلاردا ءومىر سۇرگەن اقسۇيەك ساق ايەلىنىڭ بەينەسىن بەينەلەيتىن «ءۇرجار ءدىني قىزمەتكەرى» بولدى.

ەكسپوزيتسيادا 2003-جىلى پروفەسسور ابدەش تولەۋبايەۆ تاپقان شىلىكتى التىن ادامى جانە تارباعاتاي ايماعىنداعى ەلەكە سازى ۇستىرتىندەگى ارحەولوگيالىق ايماق اۋماعىنان 2018 -جىلى پروفەسسور زەينوللا ساماشيەۆ تاپقان التىن ادام بار.