تۇركىستان وبلىسىندا جەڭگەتايلىقتىڭ 7 فاكتىسى انىقتالدى
تۇركىستان وبلىسىنىڭ پوليتسيا دەپارتامەنتى جەڭگەتايلىققا، ادام ساۋداسىنا جانە باسقا دا قۇقىقبۇزۋشىلىقتارعا قاتىستى قىلمىستاردى اشۋ ماقساتىندا جەدەل-پروفيلاكتيكالىق ءىس-شارا وتكىزدى.
رەيد بارىسىندا وبلىس اۋماعىندا جەڭگەتايلىق پەن پريتون ۇيىمداستىرۋدىڭ 7 فاكتىسى انىقتالدى.
پ د باسپا ءسوز قىزمەتىنىڭ مالىمەتىنشە، پوليتسەيلەر مونشالار مەن قوناقۇيلەردى، ويىن-ساۋىق عيماراتتارىن، پريتوندار بولۋى ىقتيمال باسقا دا جەرلەردى تەكسەرگەن.
«كريمينالدىق پوليتسيا باسقارماسىنىڭ پوليتسەيلەرى سارىاعاش قالاسىندا 2 قوناقۇيدەن پريتوندى انىقتادى. وندا جەدەل ۋاكىلدەر اقشالاي سىياقى ءۇشىن ينتيمدىك قىزمەت كورسەتكەن جەڭىل ءجۇرىستى ءتورت قىزدى تاپقان. ولاردىڭ بارلىعى وزبەكستان رەسپۋبليكاسىنىڭ ازاماتشالارى بولىپ شىقتى»، - دەلىنگەن اقپاراتتا.
ال، سايرام اۋدانىندا ساۋنا مەن قوناقۇيدەن دە جەزوكشەلەر تابىلعان. وندا جەڭىل ءجۇرىستى 8 قىز انىقتالدى. ونىڭ بىرەۋى وزبەكستان رەسپۋبليكاسىنىڭ ازاماتشاسى بولسا، قالعاندارى - جەرگىلىكتى تۇرعىندار. پريتون مەن جەڭگەتايلىقتى ۇيىمداستىرعان ايەلدەر دە ۇستالدى.
«شارا بارىسىندا قوناقۇيلەر مەن ساۋنالاردى جالعا بەرگەن يەلەرى جاۋاپقا تارتىلىپ، ق ر ا ق ب ت ك- ءنىڭ 450-بابىمەن («كورىنەۋ جەزوكشەلىكپەن اينالىسۋ نەمەسە جەڭگەتايلىق ءۇشىن ءۇي-جايلار ۇسىنۋ») حاتتاما تولتىرىلدى»، - دەدى پ د- دان.
سونداي-اق ءبىر-ءبىر فاكتىدەن ماقتاارال، قازىعۇرت، جەتىساي اۋداندارىندا دا انىقتالعان.
«جالپى، رەيد بارىسىندا ءتارتىپ ساقشىلارى 30 دان استام جەڭىل ءجۇرىستى قىز-كەلىنشەك پەن 10 تۇلعانى «جەڭگەتايلىقپەن» ەسەپكە الدى. بارلىق جايتتار بويىنشا سوتقا دەيىنگى تەكسەرۋ امالدارى جۇرگىزىلۋدە»، - دەپ اتاپ ءوتتى پوليتسيادان.