14:27, 19 - ماۋسىم 2020 | GMT +5
قىزىن تۇرمەدەن شىعارۋ ءۇشىن 7 ميلليون تەڭگە بەرگەن - ەلوردادا ءىس قوزعالدى
نۇر-سۇلتان. قازاقپارات – ق ر سىبايلاس جەمقورلىققا قارسى ءىس-قيمىل اگەنتتىگى پارا بەرۋگە يتەرمەلەۋ فاكتىسىمەن ۇستالعان نۇر-سۇلتان تۇرعىنىنا قاتىستى ءىس قوزعادى، دەپ حابارلايدى قازاقپارات ءتىلشىسى.
«15-ماۋسىم كۇنى نۇر-سۇلتان قالاسىنىڭ سىبايلاس جەمقورلىققا قارسى كۇرەس قىزمەتكەرلەرى ەلوردالىق ايەلگە قاتىستى تەرگەۋ امالدارىن باستادى. ول قىلمىسقا يتەرمەلەۋ جانە الداۋ جولىمەن قىزىن تۇرمەدەن شىعارىپ الماق بولعان ادامنان 7 ميلليون تەڭگە الۋ كۇدىگىنە ىلىكتى. بۇل اقشانى پارا رەتىندە جاۋاپتى مەملەكەتتىك لاۋازىمداعى تۇلعاعا بەرەتىنىن ايتقان»، - دەدى ق ر سىبايلاس جەمقورلىققا قارسى ءىس-قيمىل اگەنتتىگى 1-دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ اگەنتتىكتىڭ بۇگىنگى «انتيكور LIVE « ايدارىندا.
سونداي-اق ۆەدومستۆو كۇدىكتىنى ۇستاۋ بارىسىنداعى ۆيدەونى ۇسىندى.
