16:05, 11 - مامىر 2020 | GMT +5
قازاقستاننىڭ تاعى 7 قالاسىنا اۋە رەيستەرى اشىلدى
نۇر- سۇلتان. قازاقپارات - بۇگىننەن باستاپ قازاقستاننىڭ جەتى قالاسىنا اۋە رەيستەرى ۇشا باستايدى، دەپ حابارلايدى قازاقپارات ءتىلشىسى.
ابىلاي مىرزاحمەتوۆ: جانارماي ارزاندادى، دەمەك اۋە بيلەتى قىمباتتاماۋى ءتيىس بۇل تۋرالى ق ر پرەمەر- ءمينيسترىنىڭ ءبىرىنشى ورىنباسارى ەرالى توعجانوۆ ونلاين بريفينگتە مالىمدەدى.
«بۇگىننەن باستاپ پرەزيدەنتىمىزدىڭ شەشىمىمەن ەلىمىزدىڭ جەتى قالاسىندا - اقتوبە، قاراعاندى، كوكشەتاۋ، قوستاناي، پاۆلودار، تاراز جانە تالدىقورعاندا اۋە رەيستەرى جاندانادى. سونداي- اق، ۇشۋ ءۇشىن جولاۋشىلاردىڭ پ ت ر- تەست تاپسىرۋى قوعام نارازىلىعىنا ۇشىراعان ەدى. بۇگىننەن باستاپ بۇل تالاپ تا الىنىپ تاستالدى»، - دەدى ە. توعجانوۆ ۇكىمەت ۇيىندە وتكەن ونلاين بريفينگتە.
ايتا كەتەيىك، مەملەكەت باسشىسى قاسىم- جومارت توقايەۆ بۇگىن قازاقستانداعى توتەنشە جاعداي رەجيمى توقتاعانىن حابارلاعان ەدى. ءبىراق، ەلىمىزدە كارانتين رەجيمى ءالى دە ساقتالادى.
