شاڭدى داۋىل، جاڭبىر، جەل: 7- مامىرعا ارنالعان اۋا رايى

قازاقستاننىڭ باسىم بولىگىنە انتيتسيكلوننىڭ اسەرىنەن جاۋىن-شاشىنسىز اۋا رايى كۇتىلەدى.

رەسپۋبليكانىڭ باتىس، وڭتۇستىك-باتىس جانە وڭتۇستىگىندە اتموسفەرالىق فرونتتارعا بايلانىستى كەي جەرلەردە جاڭبىر جاۋادى.

ال وڭتۇستىك-باتىستا كۇندىز نوسەر جاڭبىر جاۋادى. كەي جەرلەردە جەل كۇشەيىپ، باتىستا، وڭتۇستىك-باتىستا جانە وڭتۇستىكتە - شاڭدى داۋىل سوعادى.

ماڭعىستاۋ وبلىسىنىڭ كەي جەرلەرىندە جەل ەكپىنى 15-20 م/س دەيىن كۇشەيەدى، كۇندىز كەي جەرلەردە شاڭدى داۋىل تۇرادى.

تۇركىستان وبلىسىنىڭ كەي جەرلەرىندە داۋىل سوعادى، جەل قارقىنى - 15-20 م/س.

قىزىلوردا وبلىسىنىڭ كەي جەرلەرىندە شاڭدى داۋىل تۇرادى. تۇندە - كەي جەرلەردە، كۇندىز - وبلىستىڭ باسىم بولىگىندە جەل جىلدامدىعى 15-20 م/س جەتەدى.

الماتى وبلىسىنىڭ كەي جەرلەرىندە جەل ەكپىنى - 15-20 م/س.

كۇندىز الاكول اۋدانىندا سەكۋندىنا 23 مەتر جىلدامدىقپەن جەل ەسەدى.

اتىراۋ، جامبىل، كۇندىز باتىس قازاقستان، اقتوبە، قاراعاندى وبلىستارىنىڭ كەي جەرلەرىندە جەل 15-20 م/س دەيىن كۇشەيەدى.