قازاقپارات كۇنتىزبەسى: 7- اقپان
ەستە قالار وقيعالار
1930-جىلى قازاقستاننىڭ وڭتۇستىگىندە سوزاق كوتەرىلىس باستالدى. قىسقا مەرزىم ىشىندە سوزاقتا جەرگىلىكتى قۇقىق قورعاۋ ورگانى قىزمەتكەرلەرى تالقاندالىپ، وكىلدەرى مەن بەلسەندىلەرى قازا تاۋىپ، 20 عا جۋىعى قاماۋعا الىندى. كوتەرىلىستى ۇيىمداستىرۋشى سۇلتانبەك شولاق ۇلى حان بولىپ سايلانىپ، كومەكشىلەرى رەتىندە ءالي اسادۋللا، بۇرىنعى ميليتسيا ءبولىم باستىعى بەيسەنبايەۆ، كۋجاك، د. اتىنبايەۆ، ك. جولشيەۆ، س. شالىمبەتوۆ، ا. ديۋگانوۆ، و. ورازبايەۆ جانە ت. ايۋبەكوۆتەر تاعايىندالدى.
ولار «كەڭەس ۇكىمەتى قۇرىسىن»، «حاندىق وكىمەت جاساسىن» جانە «قازاق ۇكىمەتى جاساسىن» دەگەن ۇراندار تاستادى. وسى جاعداي جونىندەگى اقپاراتتان كەيىن ۇكىمەت سوزاقتىڭ اينالاسىن قورشاۋعا الىپ، «كوممۋنيستەر جاساعىنان» تۇراتىن بىرنەشە قارۋلى جاساق اكەلىپ قويدى. كوتەرىلىسشىلەر شولاققورعانعا قاراي شەگىندى، ءبىراق 6№ اۋىلدا نيكيتەنكونىڭ جاساعى ولاردى توقتاتتى. 15-16- اقپاندا كوتەرىلىسشىلەر اۋدانىنا جۋراۆليەۆ پەن لوگاچيەۆ جاساعى كەلىپ جەتتى. 4 ساعاتتىق ۇرىس كوتەرىلىسشىلەردىڭ جەڭىلۋىمەن اياقتالدى. حان سۇلتانبەك ءولتىرىلدى، 200 گە جۋىق ادام تۇتقىنعا الىنىپ، 400 گە جۋىق شارۋا قازا بولدى.
1964-جىلى قازاق اكادەميالىق دراما تەاترىنىڭ ساحناسىندا شىڭعىس ايتماتوۆتىڭ «انا - جەر- انا» سپەكتاكلىنىڭ پرەمەراسى ءوتتى.
1992-جىلى الماتىداعى 139№ قازاق ورتا مەكتەبىنە مەملەكەت قايراتكەرى، قازاق ءتىل ءبىلىمى مەن ادەبيەتتانۋ عىلىمدارىنىڭ نەگىزىن سالۋشى عالىم، اعارتۋشى احمەت بايتۇرسىن ۇلىنىڭ ەسىمى بەرىلدى.
2009-جىلى ەۋرازەق جانە ۇ ق ش ۇ ەلدەرى سامميتىندە ۇجىمدىق جەدەل ارەكەت ەتۋ كۇشتەرى (ۇ ج ا ك) توبىن قۇرۋ تۋرالى شەشىم قابىلداندى.
2013-جىلى نيۋ-يورك قالاسىندا قازاقستان رەسپۋبليكاسى مەن ساموا تاۋەلسىز مەملەكەتى اراسىندا ديپلوماتيالىق قارىم-قاتىناس ورناتىلدى. بىرلەسكەن كومميۋنيكەگە قازاقستان تاراپىنان ق ر ب ۇ ۇ جانىنداعى تۇراقتى وكىلى ءبىرعانىم ءايتىموۆا، ال ساموا تاۋەلسىز مەملەكەتىنىڭ تاراپىنان وسى ەلدىڭ ب ۇ ۇ جانىنداعى تۇراقتى وكىلى الي'يوايگا فەتۋري ەليسايا قول قويدى.
2014-جىلى قازاقستاندىق تۋىندىلار - ەمير بايعازيننىڭ «ۇندەستىك ساباعى» (ۋروكي گارموني) كينوفيلمى مەن ەرمەك تۇرسىنوۆتىڭ «شال» كارتيناسى يرانداعى 32- حالىقارالىق «فادجر» كينوفەستيۆالىنىڭ جۇلدەگەرلەرى اتاندى.
2017-جىلى مەملەكەت باسشىسى نۇرسۇلتان نازاربايەۆ استانا قالاسىنىڭ اۋماعىن كەڭەيتۋ تۋرالى جارلىققا قول قويدى. وعان سايكەس، استانا قالاسىنىڭ شەكاراسىنا اقمولا وبلىسىنىڭ سەلينوگراد اۋدانىنىڭ 8719 گەكتار جەرى قوسىلدى.
2017-جىلى ۇلتتىق اكادەميالىق كىتاپحانادا تۇركى اكادەمياسى «جويىلىپ بارا جاتقان تۇركى تىلدەرى» كوپ تومدىعىن تانىستىردى. جوباعا 26 ەلدەن 130 عالىم قاتىستى. قازاق، تۇرىك تىلىمەن ءبىر قاتاردا سارى ۇيعىر، التاي تىلدەرى، سونداي-اق كاۆكاز، قىتاي، يران، ءسىبىردى مەكەندەيتىن، سونداي-اق بۇكىل الەمگە تارىداي شاشىلىپ كەتكەن تۇركى حالىقتارىنىڭ تىلدەرىن ساقتاپ قالۋ ءۇشىن ەلەۋلى ەڭبەك اتقارىلدى.
2018-جىلى Astana Hub ІТ - ستارتاپتارىنىڭ حالىقارالىق تەحنوپاركى قازاقستاندا دارىندى ماماندار مەن كاسىپكەرلەر ءۇشىن بىرەگەي تەگىن باعدارلامانى ىسكە قوستى. ونىڭ اياسىندا تاجىريبەلى كاسىپكەرلەر ستارتاپ-كوماندالارعا تالىمگەر اتانىپ، ساراپشىلار ساباق بەرەدى. سونداي-اق جاستار بيزنەس جۇرگىزۋ ءۇشىن ينۆەستورلار جانە بىرلەستىكتەرمەن تانىسۋعا مۇمكىندىك الادى.
2019-جىلى امەريكانىڭ The World's Вest بايقاۋىنىڭ ەكىنشى ەپيزودىنىڭ قورىتىندىسى بويىنشا ديماش قۇدايبەرگەن 100 ۇپايدىڭ 98 ءىن جينادى. ەڭ جوعارعى 50 ۇپايدى وتانداسىمىزعا ءانشى فەيت حيلل، اكتريسا دريۋ بەرريمور جانە اكتەر رۋ پول قويدى. سونىمەن قاتار، ديماشتىڭ ونەرىنە «الەم قابىرعاسى»، الەمنىڭ ءار ەلىنەن جينالعان 50 ساراپشى باعالادى. دانيا جانە ۇلىبريتانيالىق تورەشىلەر ديماشقا داۋىس بەرمەدى. وسىلايشا، ول 100 ۇپايدىڭ 98 ءىن جينادى.
2019-جىلى سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتى سۆەچە قالاسىنداعى (پولشا) لينگۆيستيكالىق-تەحنولوگيالىق ۋنيۆەرسيتەتىندە «اباي» مادەني-ءبىلىم بەرۋ جاستار ورتالىعىن اشتى.
جاڭا ورتالىق مادەنيەتتەرمەن، ءبىلىم بەرۋ باعدارلامالارى مەن حالىقارالىق عىلىمي جوبالارمەن الماسۋ ءۇشىن ينتەراكتيۆتى الاڭعا اينالادى، اكادەميالىق ۇتقىرلىقتى دامىتۋعا جانە قازاقستان مەن پولشانىڭ جوعارى وقۋ ورىندارىنىڭ اراسىندا قوس ديپلومدى ءبىلىم بەرۋگە ىقپال ەتەتىن بولادى.
