ايازدى كۇنى جەۋگە پايدالى 7 ازىق- تۇلىك

نۇر-سۇلتان. قازاقپارات - قىستىڭ ايازدى كۇندەرى ادامدار ءجيى اۋىرادى نەمەسە كۇيزەلىسكە ءتۇسىپ جاتادى.

تاماق تانۋ اعزاعا تىكەلەي اسەر ەتەتىندىكتەن وعان كەي وزگەرىستەر ەنگىزۋ ارقىلى قىستىڭ نەگاتيۆتى اسەرىن ازايتۋعا بولادى. كەيبىر پايدالى ازىق- تۇلىكتى قىستا كوبىرەك جەگەن دۇرىس.

1. قىزىل بولگار بۇرىشى

س دارۋمەنى يممۋندى جۇيەنى قاتايتىپ، ەنەرگيامەن قۋاتتايتىنىن ءبارى بىلەدى. ونى الۋ ءۇشىن سيترۋستى جەمىستەر جەۋ كەرەگىن دە بىلەدى، الايدا قىزىل بولگار بۇرىشىندا س دارۋمەنى اپەلسينگە قاراعاندا كوبىرەك. وعان قوسا، قىزىل ءتاتتى بۇرىشتىڭ قۇرامىندا وعان قانىق ءتۇس بەرەتىن جانە كۇشتى انتيوكسيدانت بولىپ كەلەتىن كاروتينويدتار بار.

2. بالىق

اياز بەت تەرىسىن قۇرتادى. مۇنداي كەزدە بالىق كوبىرەك جەۋ كەرەك. سەبەبى بالىق ومەگا-3 جانە ومەگا-6 مايلى قىشقىلدارىنا باي. بۇل مايلى قىشقىلدار تەرىنى قورعاپ قانا قويماي، جۇرەك، مي جانە كورۋ جۇمىسىنا كومەكتەسەدى.

3. ساڭىراۋقۇلاق

قىسقى تاماقتانۋ راتسيونىندا ساڭىراۋقۇلاقتار بولۋى كەرەك. ولاردىڭ انتيۆيرۋستىق جانە انتيباكتەريالدىق قاسيەتتەرى جاقسى زەرتتەلگەن. مىسالى، شامپينون ساڭىراۋقۇلاعى يممۋنيتەتتى جاقسارتاتىن D دارۋمەنىنە باي.

4. ىرىمشىك

ىرىمشىك قۇرامىندا س جانە D دارۋمەنىنىڭ جەتكىلىكتى مولشەرى بار. سونداي- اق ول اقۋىزعا باي بولعاندىقتان ىرىمشىك جەگەننەن كەيىن ءبىراز ۋاقىت توق جۇرەسىز.

5. كوكجيدەك

(گولۋبيكا) بارلىق جيدەكتەر پايدالى. ءبىراق كوكجيدەكتە باسقالارعا قاراعاندا انتيوكسيدانتتار كوبىرەك. بۇل انتيوكسيدانتتار توكسيندەردى شىعارىپ، اعزانىڭ جالپى جاعدايىن جاقسارتۋعا كومەكتەسەدى.

6. دارشىن ول ەڭ پايدالى دامدەۋىشتەردىڭ ءبىرى. ونىڭ قۇرامىندا انتيوكسيدانتتار بار جانە ول زات الماسۋدى جاقسارتادى. قىستىڭ ايازدى كۇندەرى دارشىن قوسىلعان ىستىق شاي نەمەسە كوفە ءىشىڭىز.

7. بانان اعزا باناننىڭ قۇرامىندا بولاتىن تريپتوفان دەگەن زاتتان «باقىت گورمونى» - سەروتونين وندىرەدى. تريپتوفان باناننان بولەك ءسۇتتى ونىمدەردە، بالىقتا، بادامدا جانە جەرجاڭعاقتا بولادى.

Massaget.kz