04:46, 22 - قاراشا 2019 | GMT +5
ءۇندىستان تۇرعىنىنىڭ كوزىنەن 7 سانتيمەتر قۇرت الىندى
نۇر- سۇلتان. قازاقپارات - ءۇندىستان تۇرعىنىنىڭ كوزىنەن ۇزىندىعى 7 سانتيمەتر بولاتىن قۇرت الىندى. بۇل تۋرالى Mirror باسىلىمى جازادى.
ءۇندىستاننىڭ گۋدجارات شتاتىنىڭ 70 جاستاعى تۇرعىنى دجاسۋباي پاتەل بىرنەشە جىل بويى كوزىنىڭ اۋىراتىنىن جانە قاتتى قىشۋ بارىن ايتىپ، شاعىمدانىپ كەلگەن. ەر ادام دارىگەرلەرگە بىرنەشە رەت بارعان، ءبىراق ولار دياگنوزىن قويا الماعان. وفتالمولوگ ميلان پانچال پاتسيەنتتىڭ كوزىندەگى پارازيتتى 2019 -جىلدىڭ قازانىندا تاپقان. دارىگەر شۇعىل وتا جاساۋ كەرەك، ايتپەسە پارازيت ميعا كەتىپ قالادى نەمەسە دجاسۋبايدى سوقىر قىلۋى مۇمكىن ەكەنىن ەسكەرتەدى.
25 مينۋت بويى وتا جاسالىپ، ونىڭ كوزىنەن جەتى مەترلىك قۇرتتى الىپ شىقتى.
ءۇندىستان تۇرعىنى 12 جىل بۇرىن يت قاپقانىن ايتقان. ال دارىگەر پارازيت سول كەزدە ونىڭ اعزاسىنا كىرۋى مۇمكىن دەپ وتىر.
