ەكىنشى دۇنيەجۇزىلىك سوعىستان قالعان ۇشاق اپاتقا ۇشىراپ، 7 ادام قازا تاپتى

بۇل تۋرالى NBC تەلەارناسى دەرەككوزگە سىلتەمە جاساپ حابارلادى.

بۇدان بۇرىن كوننەكتيكۋت پوليتسياسىنىڭ كوميسسارى دجەيمس روۆەللا اپات قۇرباندارى بار ەكەندىگىن مالىمدەگەن بولاتىن. ءبىراق ولاردىڭ سانىن ايتپادى.

دجەيمس روۆەللانىڭ سوزىنە قاراعاندا، B-17 ۇشاعىنىڭ بورتىندا 13 ادام: 10 جولاۋشى جانە ءۇش ەكيپاج مۇشەسى، ال بومبالاۋشى ۇشاق سوعىلعان قوسالقى عيماراتتا اۋەجايدىڭ تەحنيكالىق قىزمەتكەرى بولعان.

NBC- ءتىڭ اتاپ وتۋىنشە، زارداپ شەككەن التى ادام تاياۋ ماڭداعى اۋرۋحاناعا جەتكىزىلگەن، ولاردىڭ ۇشەۋى اۋىر جاعدايدا.

ۇشاق ا ق ش- تىڭ شىعىس جاعالاۋى ۋاقىتى بويىنشا شامامەن 09:45 تە اۋەگە كوتەرىلگەن. ارادا توعىز مينۋت وتكەندە ۇشقىشتار برەدلي اۋەجايىنا ۇشاقتا پروبلەما تۋىنداعاندىعىن، ونى ءتيىستى بيىكتىككە كوتەرىلمەگەندىگىن حابارلاعان. ون مينۋتتان سوڭ ۆ-17 اۋەجايدىڭ قوسالقى عيماراتىنا سوعىلعان.