07:51, 26 - تامىز 2019 | GMT +6
جەڭىل ۇشاق پەن تىكۇشاق سوقتىعىسىپ، 7 ادام اجال قۇشتى
مادريد. ت ا س س- قازاقپارات - جەكسەنبىدە يسپانيانىڭ مالوركا ارالىندا شاعىن ۇشاق پەن تىكۇشاق سوقتىعىستى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
«ينكا مۋنيتسيپاليتەتىندە جەرگىلىكتى ۋاقىتپەن كۇندىزگى ساعات 13:35 تە تىكۇشاق جانە جەڭىل ۇشاقتىڭ قاتىسۋىمەن اۋە اپاتى ورىن الدى»، - دەپ جازدى وڭىرلىك ۇكىمەت Twitter پاراقشاسىندا.
El Periódicoگازەتىنىڭ حابارلاۋىنشا، اپات سالدارىنان جەتى ادام قازا تاپقان. ونىڭ ىشىندە ەكى بالا بار. وقيعانىڭ سەبەپ-سالدارى ءالى ايتىلعان جوق.
ءتارتىپ ساقشىلارى اپات بويىنشا تەرگەۋدى باستاپ كەتتى.
