ادام 7 جىل سايىن قالاي وزگەرەدى؟
وسى ءۇش عىلىم بىرىگىپ، ادام ءومىرىنىڭ كەزەڭدەرىن زەرتتەيدى. بۇل زەرتتەۋدىڭ پايىمداۋىنشا، ادام جەتى جىلدىق كەزەڭمەن ءومىر سۇرەدى. ءارقايسىسىنان وتەر كەزدە فيزيكالىق، ينتەللەكتۋالدى نە ەموتسيونالدى كريزيسكە ۇشىراۋى مۇمكىن. بۇل ءبىر كەزەڭنەن ەكىنشىسىنە ءوتۋدىڭ «كوپىرى» سانالادى. ول قانداي كەزەڭدەر؟
0-7 جاس
بالا الەمدى تانىپ، اناسىمەن تىعىز بايلانىستا بولادى. كەزەڭنىڭ سوڭى انا «قاناتىنىڭ» استىنان شىعىپ، جاڭا، ۇلكەن الەمدى تانۋعا اتتانۋمەن اياقتالادى.
7-14 جاس
ءوزىنىڭ دارا تۇلعا ەكەنىن تانىپ، الەمنىڭ بەلگىلى ءبىر «باعىتىن» تانۋعا ۇمتىلادى.
14-21 جاس
جاسوسپىرىمدەرگە ءتان بۇلىكشىلىك، مەنمەندىك پەن تۇلعالىق قاسيەتتەرىنە دەگەن سىيلاستىقتى تالاپ ەتۋ كەزەڭى. الەم مەن اينالاسىنداعى ادامداردىڭ ءوزىنىڭ ىڭعايىنا قاراي وزگەرۋىن تالاپ ەتە باستايدى. ۇيرەنگەن نارسەلەردى وزگەرتكىسى كەلەدى.
21-28 جاس
تۇراقتالۋ كەزەڭى. قوعامعا «قايتا ورالىپ»، قۇندىلىقتارىن ءتۇسىنىپ، باعالاي باستايدى. بۇرىنعى ۇرپاقتان وزۋعا تىرىسادى. ءوز وتباسىن قۇرىپ، جاقسى جۇمىس تابۋعا ۇمتىلادى.
28-35 جاس
جانۇياسىنا قامقور بولىپ، قولىنان كەلەتىنىننىڭ ءبارىن جاساۋعا تىرىسادى. الدىنعى جەتى جىلدىڭ كەزەڭدەرىنەن ءساتتى وتكەن بولسا، وتباسى مەن مانساپ ماسەلەلەرىن شەشۋ وڭاي كەلەدى. ەگەر ءساتسىز وتسە، جۇمىسىنان كەتىپ، كۇيزەلىسكە ۇشىراپ، وتباسىمەن ارازداسۋى مۇمكىن.
35-42 جاس
وتباسىنا، ادامدارعا، ومىرگە دەگەن كوزقاراسىن وزگەرتە باستايدى. مىسالى، جۇمىستى قىزىعىنا قاراي ەمەس، پايداسى مەن الاتىن ۋاقىتىنا قاراي باعالاي باستايدى. كەز كەلگەن ءىستى باسىنان باستاپ، تاجىريبەنىڭ كومەگىمەن جاقسى ناتيجەگە جەتۋگە ۇمتىلادى.
42-49 جاس
وتباسىنا، قوعامعا ريزا ەكەنىن تۇسىنە باستايدى. قاتەلىكتەرىن تۇزەۋدىڭ ارقاسىندا وسىعان دەيىن تۇسىنبەگەن نارسەلەردى تانيدى. ءدال وسى كەزەڭدە «نە ءۇشىن ومىرگە كەلدىم؟» دەگەن سۇراق مازالاي باستاۋى مۇمكىن.
49-56 جاس
رۋحاني توڭكەرىس كەزەڭى. سۇراقتارعا جاۋاپ پەن رۋحاني باعىت ىزدەي باستايدى.
ءار جەتى جىل سايىن ادام دامۋ ەۆوليۋتسياسىنىڭ ساتىسىنا كوتەرىلىپ، ماسەلەلەردىڭ شەشىمى مەن ءوزىن مازالاعان سۇراقتارىنا جاۋاپ تابادى.