مۋاي- تايدان ازيا چەمپيوناتى: قازاقستان 7 مەدال ولجالادى
قۇرلىق بىرىنشىلىگىندە قازاقستان نامىسىن 10 سپورتشى قورعادى، دەپ حابارلايدى قازاقپارات «SPORTINFORM» س ا ا- عا سىلتەمە جاساپ.
چەمپيوناتتا قازاقستاندىق سپورتشىلار ەل قورجىنىنا 7 مەدال سالدى. قولا مەدالداردى ەلامان ساياساتوۆ (54 كەلى) ، رۋسلان زاياكين (71 كەلى) جانە يۆان ۆان- حون- تۋن (86 كەلى) ەنشىلەدى. الماز سارسەمبەكوۆ (57 كەلى) ، ەۆگەني زايتسيەۆ (63,5 كەلى) پەن البينا قۇلبيزەكوۆا (57 كەلى) كۇمىس جۇلدەگە قول جەتكىزدى.
قازاقستان ءۇشىن جالعىز التىن مەدالدى 67 كەلى سالماق دارەجەسىندە نۇرتازا جۇماحانوۆ جەڭىپ الدى. جارتىلاي فينالدا قازاقستاندىق بوكسشى بىرىككەن اراب امىرلىكتەرىنىڭ سپورتشىسى ءنۇريددين ءساميردى نوكاۋتقا جىبەرسە، اقتىق سىندا تورەشىلەردىڭ ءبىراۋىزدان قابىلداعان شەشىمىمەن اۋعانستاندىق مۇرتازا شامالدى جەڭگەن.
سونداي- اق قازاقستاندىق الماز سارسەمبەكوۆ ەرلەر اراسىنداعى ازيا چەمپيوناتىنىڭ «ۇزدىك بوكسشىسى» اتانىپ، ۇيىمداستىرۋ كوميتەتىنىڭ ارنايى سىيلىعىمەن ماراپاتتالدى. جالپى كوماندالىق ەسەپتە قازاقستان قۇراماسى تايلاند، قىتاي جانە ماكاودان كەيىن ءتورتىنشى ورىندا تۇر.