ۇيالى تەلەفوندار تۋرالى 7 قىزىقتى دەرەك

 استانا. قازاقپارات - ۇيالى تەلەفوننىڭ پايدا بولۋى ادامزاتتىڭ سوڭعى جارتى عاسىردا جەتكەن ەڭ كەرەمەت جەتىستىكتەرىنىڭ ءبىرى بولدى.

ەشقانداي ونەرتابىس تەلەفون سەكىلدى ءبىزدىڭ كۇندەلىكتى ومىرىمىزگە جانە اقپاراتتىڭ تارالۋ جىلدامدىعىنا تەرەڭ اسەر ەتە المايدى. سوعان بايلانىستى Stan.kz اقپاراتتىق اگەنتتى وسى عاجايىپ تەحنيكامەن بايلانىستى بىرنەشە قىزىقتى دەرەكتەر ۇسىنادى.

1.«سمارتفون» تەرمينى العاش رەت 2000 -جىلى Ericsson كومپانياسى Ericsson R380 تەلەفونىن جارنامالاعان كەزدە ەنگىزىلدى. قۇرىلعى Symbian OS v5.1 باقىلاۋىمەن جۇمىس ىستەدى جانە قايىرمالى قاقپاقتىڭ استىنداعى ءبىرتۇستى سەنسورلىق ەكرانعا يە بولدى.

2. كەز- كەلگەن زاماناۋي سمارتفوننىڭ ونىمدىلىگى، سونىڭ ىشىندە ءارقايسىمىزدىڭ قولىمىزداعى تەلەفون، NASA نىڭ اپوللون باعدارلاماسى اياسىندا ادامدى ايعا قوندىرۋدى ەسەپتەۋ جانە باقىلاۋ ءۇشىن پايدالانعان بارلىق كومپيۋتەرلەردىڭ جالپى قۋاتىنان اسىپ تۇسەدى.

3. جاپونيادا تەلەفونداردىڭ %90 ى ىلعالدان قورعايتىن كورپۋسپەن جاسالادى. سەبەبى جاپوندىق جاستار ءتىپتى ۆاننا مەن دۋشقا تۇسسە دە قولدارىنان تەلەفوندارىن تاستامايدى.

4. ۇيالى تەلەفوندى جوعالتىپ الۋ نەمەسە بايلانىسسىز قالۋ قورقىنىشى نوموفوبيا دەپ اتالادى. بۇل تەرمين العاش رەت 2010 -جىلى ۇيالى بايلانىس پايدالانۋشىلارىنىڭ ادەتتەرىنە ارناپ جۇرگىزىلگەن زەرتتەۋدە قولدانىلدى. سول كەزدە ساۋالناماعا قاتىسقانداردىڭ جارتىسىنا جۋىعى ۇيالى تەلەفونىن جوعالتقان كەزدە جانە ونىڭ قۋاتى تاۋسىلعاندا نەمەسە قاراجاتى بىتكەندە، سونداي- اق جەلىدەن تىس جەردە جۇرگەندە قاتتى الاڭدايتىندارىن مويىندادى.

5. الەمدەگى ەڭ ءساتتى شىعارىلعان تەلەفون Nokia 1101. بۇل تەلەفون 2003 -جىلى شىعارىلعاننان بەرى 250 ميلليوننان استام قۇرىلعى ساتىلدى. بۇل تەلەفوندار اراسىندا عانا ەمەس، سونداي- اق جالپى ەلەكتروندى گادجەتتەر اراسىندا رەكورد بولىپ تابىلادى. قازىرگى ۋاقىتتا اتالعان مودەل وندىرىستەن الىنىپ تاستالدى.

6. ب ۇ ۇ- نىڭ 2013 -جىلى جاريالانعان ەسەبىنە سايكەس، ۇيالى تەلەفون يەلەرىنىڭ سانى دارەتحاناسى بار ادامدار سانىنان الدەقايدا اسىپ تۇسەدى. بۇگىندە جەتى ميلليارد ادامنىڭ التى ميللياردى ۇيالى تەلەفون ۇستايدى. ءبىراق، تەك ونىڭ 4,5 ميللياردى عانا لايىقتى سانيتاريالى- گيگيەنالىق جاعدايدا ءومىر سۇرەدى.

7. ۇيالى تەلەفون لاقتىرۋ - فينليانديا، بەلگيا جانە باسقا دا كوپتەگەن ەلدەردە تانىمال سپورت ءتۇرى بولىپ تابىلادى. 2014 -جىلى وسى سپورت ءتۇرى بويىنشا وتكەن كەزەكتى الەم چەمپيوناتىندا جاڭا الەمدىك رەكورد ورناتىلدى. وندا قاتىسۋشى تەلەفونىن 110,42 مەتر قاشىقتىققا لاقتىرىپ الەمدىك رەكورد ورناتتى.

Stan.kz