اش قارىنعا ىشىلگەن سۋ: مۇنى ادەتكە اينالدىرۋدىڭ 7 سەبەبى

 استانا. قازاقپارات - ادام اعزاسى كوپ مولشەردە سۇيىقتىققا تاۋەلدى ەكەنى بارشاعا ايان. ەگەر ءبىز اش قارىنعا سۋ ىشسەك، نە بولادى؟ مامانداردىڭ ايتۋىنشا، بۇل پايدالى ەكەن.

1. اعزانى تازارتادى

تۇنگى ۋاقىتتا اعزا دەمالىپ، توكسيندەردەن ارىلادى، ال ەرتەڭگىلىك اش قارىنعا ىشىلگەن سۋ زياندى زاتتاردىڭ اعزادان شىعۋىنا كومەكتەسەدى. سونداي-اق سۋ بۇلشىق ەت جاسۋشاسى مەن قان جاسۋشاسىنىڭ تۇزىلۋىنە كومەكتەسەدى.

2. زات الماسۋدى رەتتەيدى

تاڭەرتەڭ سۋ ءىشۋ ارقىلى ءبىز مەتابوليزم جىلدامدىعىن %24 عا ارتتىرامىز، ال زات الماسۋدىڭ ارتۋى استىڭ تەز قورىتىلۋىنا مۇمكىندىك بەرەدى. جىلى سۋ ىشۋگە كەڭەس بەرىلەدى.

3. قىجىلدى جويادى

اسقازان- ىشەك جولى جۇمىسىنىڭ بۇزىلۋىنىڭ بىردەن- ءبىر سەبەبى - اسقازاق ءسولىنىڭ قىشقىلدانۋى. اش قارىنعا سۋ ءىشۋ ارقىلى اسقازانعا ءتۇسىپ، قىجىل تۋدىراتىن قىشقىلدىڭ سۋمەن ارالاسىپ، ناتيجەسىندە ىشەك جۇمىسى دۇرىس جۇمىس جاسايدى.

4. بەت ءتۇسىن جاقسارتادى

اعزادا سۋدىڭ جەتىسپەۋشىلىگى ءاجىمنىڭ ەرتە تۇسۋىنە ءارى تەرى ساڭىلاۋلارىنىڭ ۇلكەيۋىنە جول اشادى. تاڭەرتەڭ ىشىلگەن 500 م ل سۋ قان اينالىمدى جاقسارتىپ، بەت تەرىسىنە وڭ اسەر بەرەدى ەكەن.

5. ساۋ ءارى جىلتىر شاش

 اعزادا سۋدىڭ جەتىسپەۋى شاشتىڭ وسۋىنە دە تەرىس اسەر بەرەدى، ناتيجەسىندە ولار تۇسەدى نە سىنعىش كەلەدى. سۋ شاش سالماعىنىڭ ¼ ۇلەسىن قۇرايدى. ارينە، كۇنى بويى سۋدىڭ جاقسى ىشىلگەنى دۇرىس، ال ەڭ پايدالىسى -  ونى اش قارىنعا ءىشۋ.

6. قۋىق قابىنۋلارىنىڭ الدىن الادى

اش قارىنعا ىشىلگەن سۋ اسقازان سولىمەن ارالاسىپ، اعزادان زياندى قالدىقتاردى شىعارۋعا كومەكتەسەدى، ال زياندى زاتتار اعزادا جينالىپ قالسا، قۋىق قابىنۋلارىنا الىپ كەلەتىنى بەلگىلى.

7. يممۋندىق جۇيەنى قاتايتادى

ەرتەڭگىلىك اش قارىنعا سۋ ءىشۋ يممۋندىق جۇيەنى جاقسارتادى، ناتيجەسىندە اعزا ءتۇرلى اۋرۋلاردىڭ قوزدىرعىشتارىنا قارسى تۇرا الادى.

 

دەرەككوزى: ​orthodox.od.ua