قازاقستاندا 7 -اقپاندا ەلدىڭ باسىم بولىگىندە تۇمان ءتۇسىپ، جەل كۇشەيەدى
اتموسفەرالىق فرونتالدى اعىمداردىڭ وتۋىنە بايلانىستى رەسپۋبليكانىڭ باتىسىندا، سولتۇستىگىندە، شىعىسىندا جانە وڭتۇستىك- شىعىسىندا قار جاۋىپ، بوران سوعىپ، جەل كۇشەيەدى. قازاقستاننىڭ وزگە اۋماقتارىندا قار جاۋمايدى. كەي جەرلەرگە تۇمان تۇسەدى.
الماتى وبلىسىنىڭ ءبىرقاتار ايماقتارىندا تۇمان ءتۇسىپ، جالاڭاشكول ايماعىندا جەل سەكۋندىنا 18-23 مەتر جىلدامدىقپەن سوعادى.
جامبىل وبلىسىندا تۇمان ءتۇسىپ، كوكتايعاق بولىپ، جەلدىڭ كۇشى سەكۋندىنا 15-20 مەترگە جەتەدى.
باتىس قازاقستان وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى.
اتىراۋ، ماڭعىستاۋ وبلىستارىنىڭ ءبىرقاتار ايماقتارىندا جەل 15-20 مەتر جىلدامدىقپەن ۇيتقيدى. ماڭعىستاۋ وبلىسىنىڭ كەي جەرلەرىنە تۇمان تۇسەدى.
شىعىس قازاقستان، سولتۇستىك قازاقستان وبلىستارىنىڭ ءبىرقاتار ايماقتارىندا ءتۇمان ءتۇسىپ، بوران سوعىپ، شىعىس قازاقستان وبلىسىندا جەلدىڭ جىلدامدىعى سەكۋندىنا 15-20 مەترگە جەتەدى.
اقمولا، قىزىلوردا، قوستاناي، وڭتۇستىك قازاقستان، پاۆلودار جانە قاراعاندى وبلىستارىنىڭ كەي جەرلەرىنە تۇمان تۇسەدى.
اقتوبە وبلىسىندا ءتۇمان ءتۇسىپ، جەلدىڭ جىلدامدىعى سەكۋندىنا 15-20 مەترگە جەتەدى.
