قۋاندىق بيشىمبايەۆ سوت الدىندا سوڭعى 7 جىلدا تاپقان تابىسىن جايىپ سالدى
بۇل تۋرالى سوت الدىندا كۋاگەرلىك ەتىپ جاتقان ەكس- شەندىنىڭ ءوزى ايتتى. ءتىپتى بۇرىنعى مينيستر قوسشىداعى ءزاۋلىم ءۇيدىڭ قۇرىلىسىنا كەتكەن قارجىنى قايدان العانىن دا جايىپ سالدى دەپ حابارلايدى استانا ارناسى.
«حالىق بانكى»، «كازكوممەرتسبانك» جانە «استانا» بانكتەرىندە اشىلعان ەسەپ-شوتتارىم بار. 2010- جانە 2017-جىلدار ارالىعىندا وسى شوتتارداعى سوما 273,6 ميلليون تەڭگەنى قۇرادى. ەگەر ەسكى باعامەن الساق، 2 ميلليون دوللار. ال شىعىن كولەمى 262 ميلليون تەڭگە. ونىڭ ىشىندە دەپوزيتتىك شوتتارعا 95 ميلليون تەڭگە اۋدارىلدى، تاۋارلار مەن ءتۇرلى قىزمەتتەردىڭ اقىسىنا 123 ميلليون تەڭگە تولەندى. ەسەپ-شوتىمنان قولما-قول اقشا تۇرىندە 42 ميلليون تەڭگە الىندى. سوندىقتان 120 مىڭ دوللاردى تولەيتىندەي تابىسىم جوق دەپ ايتۋ مۇمكىن ەمەس»، - دەيدى بۇرىنعى ۇلتتىق ەكونوميكا ءمينيسترى.
بيشىمبايەۆ بۇعان دەيىن قوسشىداعى ءۇيدىڭ ءوز اتىندا ەمەستىگىن، ءزاۋلىم باسپانا سەرىكتەستەرىمەن بىرگە ورتاقتاسا پايدالانۋ ءۇشىن سالىنعانىن ايتقان. ەكس-ءمينيستردىڭ سوزىنشە، اتالعان ءۇيدىڭ قۇرىلىسىنا ءوز قالتاسىنان 120 مىڭ دوللار سالعان.
ايتا كەتەيىك، قۋاندىق بيشىمبايەۆقا «اسا ءىرى كولەمدە پارا الۋ»، «سەنىپ تاپسىرىلعان مۇلىكتى تالان-تاراجعا سالۋ» باپتارىمەن ايىپ تاعىلدى.
قاراشا ايىنان بەرى ءوتىپ جاتقان سوتتا ەكس-شەندىدەن باسقا 22 ادامنىڭ قىلمىستىق ءىسى قارالۋدا. ولاردىڭ دەنى قىلمىسىن مويىنداعان.
