بالانى كىتاپحاناعا اپارۋدىڭ 7سەبەبى
بۇگىنگى تاڭدا بالالار بوس ۋاقىتتىڭ جەتىسپەۋىنەن ەرتە دامۋ مەكتەبىنە، ءارتۇرلى سەكتسيالار مەن ستۋديالارعا، ۇيىرمەلەرگە بارعاننان ەش زارداپ شەكپەيدى. مۇنىڭ ءبارى جاقسى، ارينە. دەسەك تە بالانى ەڭ ءبىرىنشى كەزەكتە كىتاپقا قىزىقتىرا بىلگەن ابزالىراق. كىتاپ وقۋعا قۇمارتقان بالا كەرەك كىتاپتى قايدان تابۋ كەرەكتىگىن ءتۇسىنىپ، كىتاپحاناعا كەلەدى. كىتاپ وقۋ - بۇل تەك بوس ۋاقىتتى قىزىق وتكىزۋ عانا ەمەس. سونىمەن بىرگە تۇلعا بولىپ قالىپتاسۋعا وراسان زور كومەگى تيەتىن وتە پايدالى ءىس. ءوزىڭىزدىڭ العاش كىتاپحاناعا بارعان كەزدەگى ءتاتتى شاعىڭىزدى ەسكە ءتۇسىرىڭىزشى. العاش سورەدە سامساپ تۇرعان سانسىز كىتاپتارعا قىزىعا قاراپ، "ءبارىن وقىپ تاۋىسسام عوي، شىركىن" دەگەن اياۋلى ارمانىڭىزدى ەشقاشان ۇمىتپاعان شىعارسىز. كەلگەن بەتتە ءبىر ەمەس، بىرنەشە كىتاپتى جازدىرىپ، "وزىڭىزدەن ۇلكەن" سومكەڭىزگە سالىپ اكەتكەنىڭىز ەستەن كەتپەسە كەرەكتى. "ارتىق ءبىلىم كىتاپتا" ەكەنى ءسوزسىز. ەگەر بالاڭىزدىڭ كىتاپقا دەگەن قۇمارلىعىن وياتۋ ءۇشىن ونى كىتاپحاناعا ەرتىپ اكەلىڭىز. ونىڭ بىرنەشە سەبەبى بار.. .
1. جاقسى كىتاپحانادا ولار كىتاپتار تۋرالى اڭگىمەلەسە الادى، ءتىپتى جاسوسپىرىمدەر دە باعالى ءھام ماڭىزدى نارسەلەردى تۇسىنەدى. بالاعا كىتاپ پاتشالىعىنا كەلگەنىڭىزدى ايتىپ، كىتاپحانانىڭ ەرەجەلەرىن تانىستىرىپ، سامساعان كىتاپتارعا تولى سورەلەردى كورسەتىڭىز.
2. كىتاپ دۇكەنىندە اتا- انا بالاعا قالاعان كىتابىن تاڭداۋعا رۇقسات ەتە بەرمەيدى. كىتاپحانادا تاڭداۋ دا، وقۋ دا وڭاي. كىتاپحانا بالاعا ءوزىن سەنىمدى سەزىنۋگە مۇمكىندىك بەرەدى. بالا سورەلەردى ەركىن قاراپ، ءوزى قالاعان نارسەسىن ىزدەي الادى. ول ءبىر كىتاپتى الىپ، وسى جانردى جاقسى كورە مە، جوق پا، ونى كەلەسى جولى تاعى الۋعا بولا ما جانە تاجىريبە جۇرگىزۋدى جالعاستىرا الا ما - وسىنى بىلگىسى كەلۋى مۇمكىن. بۇل ارقىلى ول ادەبيەت الەمىندەگى ساياحاتشى، ءوزىن زەرتتەۋشى بولىپ شىعادى.
3. كىتاپحانادا ەرەكشە ادەبي اتموسفەرا بار. كىتاپحانادا تۇراقتى تۇردە وتكىزىلەتىن قىزىقتى ءىس- شارالار، جازۋشىلارمەن كەزدەسۋ، كىتاپ كورمەلەرىن وتكىزۋ، ت. ب. بالانىڭ تانىم كوكجيەگىنە اسەر ەتەدى. كىتاپحانادان كورگەن جازۋشىنى كىتاپ بەتىنەن كورسە، بالانىڭ قىزىعۋشىلىعى ارتادى. سونىمەن قاتار، كوپتەگەن كىتاپحانالار وقىرماندار ءۇشىن ارنايى جارىستار وتكىزەدى. رۋحاني ازىق بولاتىن كەزدەسۋ كەشتەر كىتاپحانادا وتەدى.
4. بالاعا ءوز جاسىنا ساي (سۋرەتى بار) كىتاپتاردى وقىتۋعا تىرىسىڭىز. ماسەلەن، ەرتەگىلەردى. ەرتەگى قاھارماندارى جونىندە ءوزىڭىز قوسىمشا دەرەك ايتىپ قىزىقتىرىڭىز. ءوزىڭىز وقىماعان كىتاپتى وعان ايتپاعان دۇرىس. قايتكەن كۇندە دە ونىڭ قىزىعۋشىلىعىن وياتۋ كەرەك.
5. كىتاپحاناداعى كىتاپتار وقۋعا دەگەن ىنتانى ارتتىرادى، ىزگىلىككە ۇيرەتەدى. بالاعا "ەگەر مىنالاردى تاۋىسساڭ، ودان دا قىزىعىن ءوزىم ساتىپ اپەرەم" دەسەڭىز، قۇلشىنىسى ارتۋى مۇمكىن. سول ارقىلى بالانىڭ ۇيدەگى جەكە كىتاپحاناسىن جاساۋعا مۇمكىندىك تۋادى.
6. قىمبات باعالى كىتاپتاردىڭ كوپشىلىگى كىتاپحانادان تابىلادى. كىتاپ دۇكەندەرىندە كورگەن قىمبات كىتاپتارعا كىتاپحانادا تەگىن قول جەتكىزەسىز جانە سونى ساتىپ الماي- اق وسى جەردە وقىپ تاۋىسۋعا بولادى.
7. كىتاپحانا بالانىڭ مادەنيەتپەن تانىسۋىنىڭ العاشقى كەزەڭى. بىرىنشىدەن، كىشكەنتاي بالا سورەلەردىڭ اراسىندا ءجۇرىپ «مىنە، كىتاپتار، ولاردى كورۋگە جانە وقۋعا بولادى» دەپ ويلانادى. سودان كەيىن كىتاپحاناعا بارۋ ادەتكە اينالادى.
Massaget.kz
