جانۋارلار تۋرالى 7 جالعان دەرەك

1. يتتەر تەرلەي مە؟ اقيقاتىندا، يتتەردە تەر بولىنبەيدى. ولار باسقا تاسىلمەن سالقىندايدى: ءتىلىن شىعارىپ تەرەڭ دەمالۋ ارقىلى.

2. وپوسسۋمدار باسىن تومەن قاراتىپ ۇيىقتايدى. وپوسسۋمداردىڭ ۇزىن قۇيرىعى اعاشتارعا ورمەلەپ، زاتتاردى الۋىنا كومەك ەتەدى. دەگەنمەن بۇل جانۋاردىڭ ەرەسەكتەرىنىڭ سالماقتارى تىم ۇلكەن بولۋى سەبەپتى، قۇيرىعى ارقىلى بۇتاققا ءىلىنىپ، باسىن تومەن قاراتىپ ۇيىقتاي المايدى.

3. جارقاناتتاردىڭ كوزى كورمەيدى، ۇشۋ ۋاقىتىنداعى دىبىس ارقىلى باعىتىن انىقتايدى دەگەن اقپاراتقا كوپشىلىكتىڭ سەنەتىنى اقيقات. دەگەنمەن، بۇل ولاي ەمەس. جارقاناتتار كورۋ قابىلەتىنە يە، تەك بۇل قابىلەت دۇرىس دامىماعان.

4. قوي - وتە اقىلسىز تۇلىك. قويلاردىڭ وتە اقىلدى تۇلىك ەكەندىگى انىقتالعان. ولار ۇيرەنۋگە قابىلەتتى، ادامداردىڭ ءجۇزىن ايىرىپ، تاني الادى، ءوز ەسىمدەرىن ەستىگەندە جاۋاپ رەتىندە بۇرىلۋى مۇمكىن. سونىمەن بىرگە تۇستەردى دە ايىرۋ قابىلەتىنە يە.

5. ناشار التىن بالىقتىڭ ەستە ساقتاۋ قابىلەتى بار بولعانى 3 سەكۋند عانا دەگەن اقپار كەڭىنەن تاراعان. وڭتۇستىك اۋستراليا ەلىندە مەكتەپ وقۋشىلارى جۇرگىزگەن تاجىريبە نەگىزىندە، بۇل مالىمەتتىڭ جالعان ەكەندىگى ناقتىلاندى. اقيقاتىندا، التىن بالىقتار ۇزاق ۋاقىتتار بويى كەز كەلگەن نارسەنى ساقتاي الادى، قاۋىپتى جاعدايدان قاشىپ، وزىنە تاماق تاۋىپ جەۋگە قابىلەتتى.

6. قۇستار بالاپاندارىنان ادام ءيىسى شىعاتىن بولسا تاستاپ كەتەدى. كەيبىر ادامدار ۇياسىنان قۇلاپ قالعان بالاپانداردى قايتا كوتەرىپ ۇياسىنا سالمايدى، بۇل ارەكەتتەرىن ادام ءيىسى شىقسا قۇستار بالاپاندارىن تاستاپ كەتەدى دەپ تۇسىندىرەدى. دەگەنمەن، قۇستاردىڭ ءيىس سەزۋ قابىلەتى اسا دامىماعان، سول سەبەپتى ادام ءيىسىن سەزۋى مۇمكىن ەمەس. سونىمەن بىرگە، ولار تەك ناقتى ءقاۋىپ تونگەن جاعدايدا عانا ۇياسىن تاستاپ كەتەدى.

7. پانتەرا - مىسىقتىڭ ايرىقشا ءتۇرى شىن مانىندە زەرتتەۋشىلەر «قارا پانتەرا» دەگەن تىركەستى ەرەكشە قارا ءتۇستى لەوپاردتاردى اتاۋ ءۇشىن قالىپتاستىرعان. «پانتەرا» اتتى جەكە ءتۇر راسىندا جوق.

Massaget.kz