اقتوبەدە ەلەكتروندى ۇكىمەت پورتالىنىڭ 7 ميلليونىنشى پايدالانۋشىسى تىركەلدى
«ۇلتتىق اقپاراتتىق تەحنولوگيالار» ا ق وكىلدەرى نۇرقاناتتى كومپانيا ءۇشىن ماڭىزدى ساتپەن قۇتتىقتادى، دەپ جازادى حابار 24.
نۇرقاناتتىڭ ايتۋىنشا، ول ەڭ العاشقى جەكە كۋالىگىن العان كەزدە ەلەكتروندى سيفرلىق قولتاڭبانى الىپ، eGov.kz پورتالىندا تىركەلگەن. بولاشاقتا نۇرقانات ەلەكتروندى ۇكىمەت پورتالىن ءجيى پايدالانىپ، مەملەكەتتىك قىزمەتتەر مەن ءتۇرلى انىقتامالاردى ونلاين تۇردە الۋدى جوسپارلاپ وتىر.
قازىرگى ۋاقىتتا eGov.kz جانە ە- ليسەنزيالاۋ پورتالدارىنىڭ كومەگىمەن ازاماتتارعا 452 ەلەكتروندىق قىزمەت، سەرۆيستەر پەن تولەمدەر قولجەتىمدى. پورتال ىسكە قوسىلعان ساتتەن بەرى وتانداستارىمىزعا 192,3 ميلليون رەت ەلەكتروندى قىزمەتتەر كورسەتىلگەن. 2017 -جىلى ەلىمىزدە مەملەكەتتىك قىزمەتتەردى ينتەرنەت جەلىسى ارقىلى الۋعا ازاماتتارمەن 29014586 رەت ءوتىنىش بەرىلگەن.
