قارا ورىك ءنارسۋىنىڭ 7 پايداسى
استانا. قازاقپارات - ءتاتتى سۋسىنداردىڭ بارلىعى بىردەي زيان ەمەس. قارا ورىكتەن دايىندالعان ءنارسۋ كوپتەگەن اۋرۋلاردىڭ الدىن الاتىن جانە دەنساۋلىققا پايدالى قۇنارلى زاتتارعا باي.
قارا ورىك ءنارسۋىن ۋاقىتىلى ءىشۋدىڭ 7 سەبەبىن ۇسىنامىز.
1.قانازدىقتىڭ الدىن الادى. قانازدىق اعزاداعى ەريتروتسيتتىڭ ازدىعىمەن بايلانىستى. قارا ورىك قۇرامىندا ەريتروتسيتتەردىڭ تۇزىلۋىنە قاتىساتىن تەمىر بولادى. 1 ستاقان قارا ورىك ءنارسۋىندا 6 م گ تەمىر بولادى، ول كۇندىزگى ۇسىنىلاتىن شامانىڭ% 34 ىن قۇرايدى.
2. ءىش قاتۋدان ەمدەيدى. قارا ورىك ءنارسۋىن جاسى ۇلكەيگەن كىسىلەر ءجيى قولدانادى. سەبەبى، ول ءىش قاتۋمەن جانە اس قورىتۋ جۇيەسى بۇزىلۋىمەن كۇرەسەدى.
3. حولەستەرين دەگەيىن تۇسىرەدى. كۇرەتامىردا حولەستەرين دەڭگەيى جوعارىلاپ كەتسە، ينسۋلت نەمەسە ينفاركت قاۋپىن كۇشەيتەتىن تۇيىندىك پايدا بولادى. كەپتىرىلگەن جەمىستەر ءنارسۋى كۇرەتامىردى لاستىقتان تازارتاتىنى دالەلدەنگەن.
4. توق ىشەكتە قاتەرلى ىسىكتىڭ پايدا بولۋ قاۋپىن ازايتادى. قارا ورىك ءنارسۋى قاتەرلى ىسىكتىڭ الدىن الۋعا پايدالى. عالىمدار كەپتىرىلگەن جەمىستەردەن دايىندالعان ءنارسۋ توق ىشەكتەگى ىسىكتىڭ ءوسۋىن توقتاتاتىنىن بايقاعان.
5. قانداعى قانت مولشەرىن رەتتەيدى. كەپتىرىلگەن جەمىستەردەن دايىندالعان ءنارسۋ ءتاتتى بولعاندىقتان، ونى ىشكەن سوڭ قانداعى قانت مولشەرى بىردەن ءوسىپ كەتپەيدى. ەگەر ءنارسۋدى ءبىرقالىپتى مولشەردە ىشسەڭىز، قانداعى قانت مولشەرىن رەتتەۋگە كومەكتەسەدى. مۇنداي ءنارسۋدا ينسۋلين سەزىمتالدىعىن جوعارىلاتاتىن جانە ازىق- تۇلىكتەردەن قانت ءسىڭىرۋىن ازايتاتىن ەرىگىش جاسۇنىق بولادى ەكەن.
6. باۋىر اۋرۋى قاۋپىن تومەدەتەدى. زەرتتەۋلەر كورسەتكەندەي، كەپتىرىلگەن جەمىستەردەن دايىندالعان ءنارسۋ باۋىر فۋنكتسياسىن جوعارىلاتۋعا كومەكتەسەدى جانە باۋىر اۋرۋلارىنىڭ الدىن الادى.
7. وستەوپوروزدىڭ الدىن الادى. زەرتتەۋلەر ناتيجەسى بويىنشا، قارا ورىك ايەلدەردەگى سۇيەك ىدىراۋىنىڭ الدىن الادى ەكەن. سونىمەن قاتار، قارا ورىكتە سۇيەكتى بەكىتەتىن بور مەن مينەرال بولادى.
قارا ورىك ءنارسۋىن دايىنداۋ جولى: قارا ورىكتەن سۇيەگىن الىڭىز. 1 كەسە قارا ورىك تازارتىڭىز. تازارتىلعان قارا ورىكتى ىدىسقا سالىپ، ورىكتى جاباتىنداي ەتىپ قايناعان سۋ قۇيىڭىز. قارا ورىك سول سۋدا 12-24 ساعات تۇرسىن. سودان سوڭ ونى سۋىمەن بىرگە بىركەلكى بولعانشا، بلەندەرمەن ەزىڭىز. قوسپاعا قايناعان سۋ قۇيىڭىز. مۇنداي ءنارسۋدى توڭازىتقىشتا 1 اپتاعا دەيىن ساقتاۋعا بولادى.
Massaget.kz
