بريتانيالىق ازامات 7 ميلليون دوللاردى قوقىسقا تاستاي سالدى

ونىڭ ىشىندە 7500 بيتكوينى بار كومپيۋتەرلىك جادى دا كەتىپ قالعان- دى.

بۇل تۋرالى «سەگودنيا» باسىلىمىنا سىلتەمە جاساپ Stan.kz حابارلايدى.

2009 -جىلدارى حوۋەللس كريپتوۆاليۋتا جيناۋمەن اينالىسىپ، اقىرىندا 7500 بيتكوين جيناپ العان. الايدا حوۋەللس سۇيىكتىسىنىڭ وتىنىشىمەن بۇل ءىستى توقتاتۋعا ءماجبۇر بولدى. بويجەتكەن جاڭا بيتكويندەردى قۇرۋعا ارنالعان باعدارلامالاردى ىسكە قوسقاندا كومپيۋتەردەن شىعاتىن دىبىستارعا شاعىمدانعان.

2010 -جىلى ازامات نوۋتبۋكقا ابايسىزدا سۋسىن توگىپ الىپ، ونىڭ كەي بولىكتەرىن قوقىسقا تاستاعان- دى. ونىڭ اراسىندا بيتكوين تۋرالى اقپاراتتى ساقتاپ تۇرعان كومپيۋتەرلىك جادى دا بار بولاتىن.

«ونى ىزدەمەگەن جەرىم جوق. كومپيۋتەردە ءوشىپ كەتكەن دۇنيەلەردى قايتا قالىپقا كەلتىرۋگە تىرىستىم، ءبىراق بولمادى»، - دەيدى حوۋەللس.

پوليتسيانىڭ مالىمەتىنشە، كومپيۋتەر بولىكتەرى نيۋپورتتاعى قوقىس پوليگونىنا تاستالعان. اتالعان پوليگوننىڭ اۋماعى فۋتبول الاڭىمەن بىردەي دەسەدى. ءتارتىپ ساقشىلارىنىڭ ايتۋىنشا، ول جەردەن كريپتوۆاليۋتانى ىزدەۋ ءۇشىن كەمى 15 ادامدى ىسكە جۇمىلدىرۋ قاجەت.

ايتا كەتەيىك، جاقىندا عانا الەمدە Bitcoin Diamond اتتى جاڭا كريپتوۆاليۋتا پايدا بولدى.