سۋىق تيگەن ناۋقاستىڭ جانىندا جۇرگەن ادامداردى ساقتاندىراتىن 7 كەڭەس
الايدا بۇل تەك ارىپتەستەرىن ساقتاندىرادى. ال ۇيدەگى وتباسى مۇشەلەرى مۇندايدا نە ىستەۋلەرى كەرەك؟
1. ءۇيدى جاقسىلاپ تازالاۋ
ۇيدە ءبىر ادام اۋىرىپ جاتقاندا، جەڭىل- جەلپى تازارتۋ جەتكىلىكسىز. مىندەتتى تۇردە ۇستەل مەن ورىندىقتىڭ ءۇستىن ءسۇرتىپ شىعىڭىز. كوزگە كوپ كورىنە بەرمەيتىن قۋىستاردى دا ۇمىتپاڭىز. سۋعا دەزينفەكتسيالايتىن قۇرىلعىلاردى قوسىپ الۋىڭىزعا بولادى. بولمەنى تازارتىپ وتىرۋدى دا ۇمىتپاڭىز. ۆيرۋستار كوپ جاعدايدا اۋا ارقىلى تارالادى. سول سەبەپتى، ۆيرۋس جۇرگەن بولمەنى تازارتىپ قانا قويماي، تازا اۋا كىرۋگە مۇمكىندىك جاساۋىمىز كەرەك.
2. كورپە- جاستىق پەن ورامال
كيىم مەن جاستىق- كورپەنىڭ تىسىن ىستىق سۋمەن جۋىڭىز. مىندەتتى تۇردە دەزينفەكيالايتىن قۇرالدار قوسىڭىز. اق زاتتاردى حلور قوسىپ جۋىڭىز. ال ءتۇرلى- ءتۇستى كيىمدەردى انتيباكتەريالىق كۇشى بار ۇنتاقتارمەن تازارتىڭىز. كىر جۋعىش ماشيناداعى انتيباكتەريالدى كەپتىرۋ دەگەن تەتىكتى باسۋدى ۇمىتپاڭىز. جۋىلعان كىرلەردى ۇتىكتەپ وتىرۋدى دا ەستەن شىعارماڭىز. بۇل كيىمدەگى ۆيرۋستاردى ولتىرۋگە كومەكتەسەدى.
3. گيگيەنا زاتتارى
جوتەلىپ ءجۇرىپ پايدالانعان ورامالدارىڭىزدى بىردەن قوقىسقا تاستاپ وتىرىڭىز. ولاردىڭ ديۆاننىڭ قۋىسىندا قالىپ قويماۋىن قاداعالاڭىز. اۋىرىپ جاتقان ادامعا جاڭا ءتىس شەتكاسىن ساتىپ الىپ، ونى باسقالاردىكىنەن بولەك قويىڭىز. جازىلعاننان كەيىن وسى ءتىس شەتكاسىن قوقىسقا تاستاڭىز.
4. شاڭ جيناعىشتار
ۇيدە ناۋقاس ادام بار كەزدە شاڭ جينايتىن زاتتاردى تىعىپ قويۋعا تىرىسىڭىز. ولار جۇمساق ويىنشىقتار، ادەمى جاستىقتار، كىشكەنە كورپەلەر مەن باسقا زاتتار بولۋى مۇمكىن.
5. بولمە وسىمدىكتەرى
فيتونتسيد ءبولىپ شىعاراتىن بولمە وسىمدىكتەرى باكتەريالاردى ولتىرۋگە كومەكتەسەدى. سول سەبەپتى، مۇنداي كومەكشىدەن باس تارتپاڭىز. ولاردىڭ ىشىندە ەڭ كوپ تارالعاندارى - الوە، حلوروفيتۋم، تسيپەرۋس، پەپەروميا، تۋپوليستنايا، ميرت، سانسيەۆەرا جانە ت. ب.
6. حوش يىستەندىرگىشتەر
بۇل جەردە دە بولمە وسىمدىكتەرىنە قاتىستى قاعيدالاردى ۇستانعانىمىز ءجون. ەفير مايلارى دا باكتەريالاردىڭ كوبەيۋىنە توسقاۋىل قوياتىن اسەرگە يە. مۇنىمەن قاتار، پياز بەن سارىمساقتىڭ ءدال وسىنداي قاسيەتى بار.
7. ماسكالار
ءوزىڭىز اۋىرعاندا عانا ەمەس، وزگەلەر اۋىرعان كەزدە دە ماسكا كيىپ العانىڭىز دۇرىس. مۇنداي ماسكالار ءۇي ىشىندە دە ارتىقتىق ەتپەيدى. ءبىراق، ەكى شارتتى ورىنداۋدى ۇمىتپاڭىز. ماسكانى ناۋقاس اداممەن سويلەسكەن سايىن تاعۋ قاجەت. مۇنىمەن قاتار، ءبىر كۇندە ونى بىرنەشە رەت اۋىستىرعان ءجون.
Stan.kz
