كاسىپكەرلىكتەگى 7 ۇلكەن قاتەلىك
كاسىپكەرلىكپەن اينالىساتىن ادام - كاسىپكەر. ول - الدىعا سۇيرەپ ءجۇرۋشى كۇش. ونىڭ باستى مىندەتى - وسى كاسىپتى دوڭگەلەتۋ. ال ءسىز كاسىپكەر بولساڭىز، ءسىزدى قۇرتاتىن ۇلكەن 7 قاتەلىكپەن تانىس بولىڭىز.
جاۋاپكەرشىلىكتى سەزىنبەۋ
جاۋاپكەرشىلىكتى سەزىنبەيتىن ادام قاۋىپتى. سەبەبى، ول جۇمىسىنا سەلقوس قاراۋ ارقىلى ودان ناتيجە شىعار المايدى. ال كاسىپكەرلىكتە جاۋاپكەرشىلىك بولماسا، ءىستىڭ دالاعا كەتكەنى دەپ ءبىلىڭىز.
ات ءۇستى قاراۋ
جۇمىستى ەشقانداي نيەتسىز جاساۋ، تەزىرەك ءبىتىرۋدى قالاپ، تەزىرەك ۇيگە جەتۋدى اڭسايتىن ادامنان ۇلكەن كاسىپكەر شىقپايدى. سەبەبى، كاسىپ - ءاربىر كىشكەنە نارسەگە ءمان بەرۋدى تالاپ ەتەتىن ۇلكەن ۇعىم. ءبىر سوزبەن ايتقان كەزدە جۇمىسقا ات ءۇستى قاراۋ ارقىلى ءسىز ارىپتەستەر اراسىنداعى بەدەلدى عانا جوعالتىپ قويماي، ءوز قولىڭىزبەن جاساعان ءىستى ءولتىرىپ الاسىز.
كەشىگۋ
كاسىپكەردىڭ ەڭ قىمباتى دۇنيەسى - اقشا؟ جوق! قاتەلەستىڭىز، كاسىپكەردىڭ ەڭ قىمبات دۇنيەسى - ۋاقىت. كەشىكپەۋ، ۋاقىتىندا جۇمىستى ءبىتىرۋ جانە ناتيجەلى جاۋاپتى كۇتۋ. ال ەگەر ءسىز وسى قاتەلىككە بوي الدىرىپ جۇرگەن بولساڭىز، سىزگە ەشكىم سەنبەيدى.
سەنىمسىزدىك
كاسىپ باستاۋ ءۇشىن ادامعا ۇلكەن سەنىم كەرەك. ال بۇل سەنىم بولماعان جاعدايدا ادام ءوزىن ىشتەي جەيدى، ۋايىمدايدى، الاڭدايدى. وزىڭىزگە سەنىمدى بولماساڭىز، كاسىپكە كەلمەڭىز. اقىماقتىق
كاسىپكەرلىكتە اقىماقتىققا جول بەرمەۋ كەرەك. بۇل - اقىلمەن جۇمىس جاسايتىن ورتا. سوندىقتان، اقىماقتىق جاساۋعا بارماڭىز. ءتىپتى ءبىر رەت بولسىن، بۇل جامان ادەتكە ۇرىنىپ كورمەڭىز.
تۇراقتىلىقتى ساقتاماۋ
كاسىپ جاساۋ كەزىندە كاسىپكەر ءۇشىن ەڭ باستى نارسە - سەزىمدەگى تۇراقتىلىق. ياعني سەزىم دەپ وتىرعانىمىز، ىشكى قاسيەتتەر مەن قۇبىلىستارىڭىز. ءبىر جاقتى اشۋعا نە كوڭىلشەك بولۋعا بولمايدى. بارلىق قاسيەتتى ءبىر ورتاعا جيناڭىز. بەلگىلى ءبىر ءىستىڭ فاناتى بولىپ كەتۋگە دە بولمايدى. ءبارى جۇرەكپەن ەمەس، اقىلمەن قابىلداڭىز.
وتىرىك ايتۋ ەڭ
جاعىمسىز نارسە - وتىرىك ايتۋ. بۇل كەز كەلگەن ىستە سولاي. ءبىراق كاسىپتە بىرەۋدى الداپ كەتۋگە تىرىسپاڭىز. ءتىپتى وتىرىك ايتۋ تۋرالى ويدى ويلاماڭىز. ءسىز قانشا شىنايى بولساڭىز، اقشا مەن ابىروي ءسىز جاقتا بولادى.
Massaget.kz
