نوبەل سىيلىعىنا قاتىستى 7 قىزىقتى دەرەك

 استانا. قازاقپارات - وتكەن اپتادا عانا نوبەل سىيلىعى يەگەرلەرىنىڭ ەسىمى بەلگىلى بولعان ەدى. ماراپاتتىڭ ءوزى ادەتتەگىدەي جەلتوقسان ايىنىڭ ورتاسىندا وتەدى. وعان دەيىن وقىرمانعا اتالعان ماراپاتقا قىزىقتى دەرەكتەر ۇسىنعاندى ءجون كورىپ وتىرمىز.

 9 ميلليون

بيىلعى نوبەل جۇلدەسى 9 ميلليون شۆەد كرونى نەمەسە 1,12 ميلليون ا ق ش دوللارىن قۇرادى. 2016 -جىلمەن سالىستىرعاندا ميلليون شۆەد كرونىنا (124,8 مىڭ ا ق ش دوللارى) ۇلعايتىلعان. 50 جىل

 نوبەل سىيلىعىنا ۇسىنىلعاندار تۋرالى اقپارات جارتى عاسىر بويى قۇپيا ساقتالادى. 50 جىل ۋاقىت وتكەننەن كەيىن شۆەد اكادەمياسى مۇراعاتتاعى قۇجاتتاردى بارشا الەمگە جاريا ەتەدى. مىسالى، 2017 - جىلدىڭ قاڭتار ايىندا اقىن اننا احماتوۆانىڭ نوبەلگە ۇسىنىلعان قاتارىندا بولعانى انىقتالدى. 1966 - جىلى ادەبيەت سالاسى بويىنشا ەڭ مارتەبەلى اتاققا نومينانت بولعان اقىن ەسىمى 5 - ناۋرىز كۇنى ومىردەن وتۋىنە بايلانىستى تىزىمنەن الىنعان.

 72 جاس

 نوبەل سىيلىعىنا ۇسىنىلعان نوميناتتاردىڭ ورتاشا جاسى. ءبىر قىزىعى، XX عاسىردىڭ باسىندا بۇل كورسەتكىش 56 جاسقا سايكەس كەلگەن.

17 جاس

ەڭ جاس نوبەل لاۋرەاتى -17 جاسار مالالا يۋسۋفزاي ەسىمدى قىز. پاكىستاندىق بويجەتكەن مۇسىلمان ەلدەرىندە ايەلدەرگە ءبىلىم الۋ قۇقىعىنىڭ بەرىلۋى جولىندا كۇرەسكەن. ول نوبەل سىيلىعىن 2014 -جىلى بەيبىت ءومىر جولىندا جۇرگىزگەن كۇرەسى ءۇشىن العان. يۋسۋفزاي 11 جاسىنان باستاپ BBC ارناسىندا بلوگ جۇرگىزۋ ارقىلى تانىمال بولعان.

 5 ەرلى- زايىپتى

5 ەرلى- زايىپتى نوبەل سىيلىعىنىڭ لاۋرەاتى اتانعان. ال، اتاقتى ەڭ بىرىنشە بولىپ 1903 -جىلى ماريا مەن پەر كيۋريلەر الدى.

 5 ادام

 5 ادام نوبەل سىيلىعىن سىرتتاي العان. سىرتتاي بولاتىن سەبەبى، اتاق بەرىلگەن ۋاقىتتا ولار تۇرمەدە وتىرعان نەمەسە ەركىندىگى شەكتەتىلگەن. ولاردىڭ بارلىعى دەلىك بەيبىت ءومىر جولىنداعى كۇرەسى ءۇشىن العان: نەمىس ءپاتسيفيسى ءارى جۋرناليست كارل فون وسەتسكي، كەڭەس ادىلەتشىلى اندرەي ساحاروۆ، پولشالىق بەلسەندى لەح ۆالەنسا، بيرمالىق ساياساتكەر اۋن سان سۋ چجي جانە قىتاي ادىلەتشىلى ليۋ سياوبو.

 4,8 ميلليون دوللار

2014 -جىلى وتكەن ءباس ساۋدادا نوبەل مەدالى 4,8 ميلليون دوللارعا وتكەن. ول د ن ك مولەكۋلاسى قۇرىلىسىن العاش اشقان دجەيمس ۋوتسونعا بەرىلگەن ماراپات ەدى. ونى ساتىپ العان رەسەيلىك كاسىپكەر ءارى ميللياردەر اليشەر ۋسمانوۆ مەدالدى زاڭدى يەسىنە قايتارىپ بەرگەن.

Massaget.kz