بەلگىسىز بىرەۋ كانادادا قايتىس بولعان قازاقستاندىقتىڭ وتباسىنا 7 مىڭ دوللار اۋدارعان

استانا. قازاقپارات - ارنايى قارجى جيناۋ ماقساتىندا اشىلعان Gofundme پاراقشاسىندا بەلگىسىز بىرەۋ ۆانكۋۆەردە قازا تاپقان مەتحات ابەنوۆتىڭ دەنەسىن الىپ كەلۋ ءۇشىن 7 مىڭ دوللار قارجى اۋدارعانى تۋرالى اقپارات شىقتى دەپ حابارلايدى Baq.kz.
None
None

وكىنىشكە قاراي، مەتحاتتىڭ ساقتاندىرۋى وتانداسىمىزدىڭ دەنەسىن الىپ كەلۋ شىعىندارىن جاپپاعان. سوندىقتان مەتحات ابەنوۆتىڭ تۋعاندارى مەن دوستارى قاراجات جيناپ جاتقاندارىن ايتىپ، كومەك سۇرايدى.

ءبىر كۇن بۇرىن بەلگىسىز ادام اتالمىش قورعا 7 مىڭ دوللار اۋدارعان. بۇل قارجى وتانداسىمىزدىڭ دەنەسىن قازاقستانعا جەتكىزۋ شىعىندارىن تولىعىمەن جاپقان.

«قىمباتتى دوستار! بريتاندىق كولۋمبياداعى قازاقستاندىق قوعامداستىقتىڭ اتىنان مەتحاتتىڭ دوستارىنا، ارىپتەستەرىنە جانە كومەك قولىن سوزعان ءاربىر جانعا العىسىمىزدى ايتامىز. 24 ساعات ىشىندە ءبىز قاجەت سومادان دا كوپ قاراجات جينادىق. تاسىمالداۋدان قالعان قاراجات مەتحاتتىڭ وتباسىنا جەرلەۋ ءراسىمىن وتكىزۋ شىعىندارىن وتەۋ ءۇشىن بەرىلەدى. قولداپ، جومارتتىق تانىتقاندارىڭىز ءۇشىن راحمەت ايتامىز»، - دەلىنگەن سايتتا.

ەستەرىڭىزگە سالا كەتەيىك، كانادانىڭ ۆانكۋۆەر قالاسىندا 27 جاستاعى قازاقستاندىق ازامات قايتىس بولعان ەدى. جەرگىلىكتى پوليتسيانىڭ مالىمەتىنشە، قازاقستان ازاماتى تاۋدان قۇلاپ، مەرت بولعان.

مەتحات ابەنوۆ ۆانكۋۆەردەگى كولۋمبيا ۋنيۆەرسيتەتىنىڭ گرانتىنا يە بولعان جانە مونرەالداعى كومپانيالاردىڭ بىرىندە جۇمىس ىستەپ كەلگەن.

سوڭعى جاڭالىقتار