نۇرلى جەر: جەڭىل يپوتەكا الۋدىڭ 7 قادامى

 استانا. قازاقپارات - كوپتەگەن قازاقستاندىق «نۇرلى جەر» تۇرعىن ءۇي قۇرىلىس باعدارلاماسى جونىندە ەستىگەن. الايدا ول تۋرالى ەگجەي- تەگجەيلى، باستىسى وعان قالاي قاتىسۋعا بولاتىنى تۋرالى اقپاراتتى كوپشىلىك بىلە بەرمەيدى.

 وسىعان وراي بۇگىن Baq.kz اقپارات اگەنتتىگى «بايتەرەك» حولدينگىمەن بىرلەسىپ، وسى باعدارلاما ارقىلى باسپانالى بولۋدىڭ جولىن كوپتىڭ نازارىنا ۇسىنۋدى ءجون كورىپ وتىر.

«نۇرلى جەر» تۇرعىن ءۇي قۇرىلىس باعدارلاماسىنىڭ نەگىزگى وپەراتورى - «بايتەرەك» حولدينگى. حولدينگكە كىرەتىن 11 كومپانيانىڭ 5 ەۋى تىكەلەي باعدارلامانى ىسكە اسىرۋعا قاتىسادى. ولار تۇرعىن ءۇي قۇرىلىس جيناق بانكى، قازاقستاندىق يپوتەكالىق كومپانيا، تۇرعىن ءۇي قۇرىلىسىنا كەپىلدىك بەرۋ قورى، دامۋ قورى جانە «بايتەرەك ديەۆەلوپمەنت» اق.

«نۇرلى جەر» باعدارلاماسى بويىنشا جۇرت قىزىعۋشىلىق تانىتىپ وتىرعان ۇسىنىستاردىڭ ءبىرى جىلدىق  % 10بەن بەرىلەتىن جەڭىلدىك يپوتەكاسى دەۋگە بولادى. بۇل باعىت قازاقستاندىق يپوتەكالىق كومپانياعا بەكىتىلىپ بەرىلگەن. ءبىز جەڭىلدىك يپوتەكاسىن الۋعا ارنالعان 7 قادامدى جاسادىق.

ءبىرىنشى قادام: سىزگە يپوتەكالىق تۇرعىن ءۇي قارىزىن الۋ ءۇشىن بانككە قۇجاتتار جانە سۋبسيديا الۋ ءۇشىن ءوتىنىش تاپسىرۋ قاجەت. قۇجاتتار ءتىزىمىن سول بانكتەن الۋعا بولادى.

ەكىنشى قادام: بانك ءسىزدىڭ تولەم جانە كەپىلزاتپەن قامتاماسىز ەتۋ قابىلەتىڭىزدى باعالايدى.

ءۇشىنشى قادام: ەگەر بانك وڭ شەشىم قابىلداسا، ءۇش جۇمىس كۇنى ىشىندە ق ي ك- كە سۋبسيديا ۇسىنۋ تۋرالى ءوتىنىش جىبەرەدى.

ءتورتىنشى قادام: ق ي ك ءوتىنىش العاننان كەيىن بەس جۇمىس كۇنى ىشىندە ءسىزدىڭ قۇجاتتارىڭىزدى تەكسەرىپ، باعدارلامادا بەلگىلەنگەن تالاپتارعا سايكەس كەلەتىن- كەلمەيتىنىڭىزدى انىقتايدى.

بەسىنشى قادام: ق ي ك شەشىم قابىلداعان كۇننەن باستاپ ءۇش جۇمىس كۇنى ىشىندە بانككە شەشىم قابىلداعانى تۋرالى جازباشا حابارلاما جىبەرەدى.

التىنشى قادام: بانك ق ي ك- تەن الىنعان شەشىم نەگىزىندە سىزبەن بانكتىك قارىز شارتىن، يپوتەكالىق شارت جاسايدى، تولەمدەر كەستەسىن قۇرادى، سونداي- اق ءوز تاراپىنان سۋبسيديالاندىرۋ شارتىنا قول قويادى جانە ءسىزدىڭ وعان قول قويۋىڭىزعا جاعداي جاسايدى جانە سۋبسيديالاندىرۋ شارتىن قيك- كە جىبەرەدى. سۋبسيديالاندىرۋ شارتىنا قول قويىلعاننان كەيىن قيك شارتقا قول قويىلعان كۇننەن باستاپ ەكى جۇمىس كۇنى ىشىندە بانككە شارتتىڭ ەكى داناسىن قايتارادى، ونىڭ بىرەۋىن بانك سىزگە بەرەدى.

جەتىنشى قادام: سۋبسيديالاندىرۋ شارتى وعان قول قويىلعان ساتتەن باستاپ كۇشىنە ەنەدى.

قۇتتىقتايمىز، ءسىز «نۇرلى جەر» باعدارلاماسى ارقىلى سۋبسيديالانعان يپوتەكا الاسىز!

وسى ورايدا، ءبىراز سۇراق تۋىندايدى. سوندىقتان باسقا دا تولىق اقپارات كەلتىرە كەتسەك.

 1. سۋبسيديالاندىرىلعان قارىز بويىنشا قارىز الۋشىعا تۇپكىلىكتى مولشەرلەمە % 10دى قۇرايدى، مولشەرلەمەنىڭ قالعان بولىگىن ق ي ك وتەيدى.

2. بانك رەسىمدەگەنى جانە قارىز بەرگەنى ءۇشىن ەشقانداي كوميسسيا المايدى.

3. وسى باعدارلاما بويىنشا العاشقى جارنا كەم دەگەندە تۇرعىن ءۇي قۇنىنىڭ% 30 ى بولعاندا عانا تۇرعىن ءۇيدى (جەكە ساتۋشىنىڭ ەمەس، قۇرىلىس كومپانياسىنىڭ تۇرعىن ءۇيى) ساتىپ الۋعا بولادى، مۇنداي قارىز 10 جىلعا دەيىنگى مەرزىمگە قارجىلاندىرىلادى. الماتى جانە استانا قالالارىندا كرەديتتىڭ ەڭ ۇلكەن سوماسى 20 ميلليون تەڭگەنى، وبلىستاردا - 15 ميلليون تەڭگەنى قۇرايدى.

4. قازىرگى ساتتە ءسىز «نۇرلى جەر» شەڭبەرىندە يپوتەكا الۋ ءۇشىن «بانك سەنتركرەديت» اق، «ا ت ف بانك» ا ق، «سبەربانك» ا ق ە ب جانە «بانك ۆ ت ب» ا ق- عا ءوتىنىش جاساي الاسىز.

Baq.kz