جۇرت 7 جىلعا سوتتالعان قازاقستاننىڭ حالىق ءارتىسىن تويدان كورگەندە قۋانىپ قالدى - ۆيدەو
كۇنى كەشە الماتىدا اسەت پەن ءازيزانىڭ ۇيلەنۋ تويى دۇركىرەتىپ تويلاندى. ونەردەگى ءىنىسىن قۇتتىقتاپ كەلگەن ساكەن مايعازيەۆ «جۇرەگىمنىڭ ىشىندەگى جۇرەگىم « ءانىن ورىنداپ، توي قوناقتارىنا ۆالس بيلەۋ مۇمكىندىگىن سىيلادى.
مايعازييەۆ جاريالاعان ۆيدەودان تويدان قازاقستاننىڭ حالىق ءارتىسى تۇڭعىشباي جامانقۇلوۆ پەن بەلگىلى تەلەجۇرگىزۋشى راحمان وماردى بايقاپ قالدىق. ءوز كەزەگىندە جۇرت شارتتى تۇردە سوتتالعان جامانقۇلوۆتى كورىپ، قۋانىپ قالعاندارىن جارىسا جازىپ جاتىر.
«تۇڭعىشباي اعانى كورىپ قۋانىپ قالدىم. اعا، سىزگە جالا جابىلعانىن بىلەمىز. امان بولىڭىز، ءبىر اللا جار بولسىن»، «تۇڭعىشباي اعا بار ەكەن عوي، اعا امان بولىڭىز ءارقاشان»، «تۇڭعىشباي اعانىڭ كۇلكىسىن كورىپ، قۋانىپ قالدىق قوي»، «ۋرا، تۇڭعىشباي اعا، جان اعاع ورتامىزعا قوش كەلدىڭىز»، «تۇڭعىشباي اعا امان ءجۇرىڭىز كورىپ قۋانىپ جاتىرمىز، مۇسىلمانعا بولماسىن دەگەن وڭباسىن دەگەن بار تۆورچەستۆولىق تابىس باۋىرىڭىز ءبۇتىن جالادان امان ءجۇرىڭىز مەنىڭ ەڭ سۇيىكتى اكتەرىم»، «تۇڭعىشباي اعا، ءسىزدى كورىپ توبەم كوككە جەتتى امان بولىڭىز! دەنىڭىز ساۋ بولسىن! ءبارىبىر اققا قۇداي جاق قوي!» - بۇل جامانقۇلوۆقا پىكىر بىلدىرگەن جەلىدەگىلەردىڭ ءبىر توبى عانا.
ايتا كەتەيىك، 2017 -جىلدىڭ ماۋسىم ايىندا حالىق ءارتىسى بوتەننىڭ سەنىپ تاپسىرعان مۇلكىن يەلەندى جانە تالان تاراجعا سالدى دەگەن ايىپپەن 7 جىلعا شارتتى تۇردە سوتتالعان بولاتىن. راقىمشىلىق تۋرالى زاڭعا بايلانىستى، جامانقۇلوۆتىڭ جازا مەرزىمى ەكى ەسە - 3,5 جىلعا دەيىن قىسقارتىلدى. جازا شارتتى دەپ تانىلعاندىقتان، اكتەر سوت زالىنان بوساتىلعان ەدى.
@aset.eszhan #ӘсетАзиза бақытты болыңдар! Менің көмекшім @sharapat_nurgali түсірген түсірілім. 😊🇰🇿🕌🕋👼🏻👨👩👧👦🏘💞🌎📚🍞🥛🍯🏇🕊☀️
