ءورت سوندىرۋشىگە 7 رەت ادەيى ءورت قويدى دەگەن ايىپ تاعىلدى
وعان بىرنەشە مارتە ۇيلەر مەن كولىكتەردى ورتەدى دەگەن ايىپ تاعىلىپ وتىر.
بۇل تۋرالى BFM TV تەلەارناسى حابارلادى، دەپ جازادى lenta.ru.
وعان ءبىرىنشى بولىپ، ونىڭ ءوزىنىڭ ارىپتەستەرى كۇدىك كەلتىرگەن. ولاردىڭ پايىمداۋلارىنشا، كۇدىكتى ءورت بولعان سايىن وقيعانىڭ جانىنان ءبىرىنشى بولىپ تابىلعان. قۇقىق قورعاۋ ورگانىنىڭ وكىلدەرى 19 جاستاعى ءورت ءسوندىرۋشى-ەرىكتىنى بيىلعى جىلدىڭ ءساۋىر ايىنان بەرى بولعان 7 ءورت وقيعاسىنا كىنالى دەپ تاۋىپ وتىر.
كۇدىكتى 6 ءورت وقيعاسى بويىنشا ءوزىنىڭ كىناسىن مويىندادى. ول تەك ءوزىنىڭ پاتەرىنىڭ ورتەنۋ جاعدايىن عانا مويىنداۋدان باس تارتقان. قاراشا ايىنىڭ سوڭىندا ەكاتەرينبۋرگ پوليتسەيلەرى 20 عا جۋىق بالاباقشالاردىڭ ايماعىندا بولعان ءورت وقيعالارى بويىنشا، ءورت قويۋشىنىڭ ەرەكشە بەلگىلەرىن انىقتاپ، وعان ىزدەۋ جاريالادى.
ءورت تۇندە بالاباقشالاردىڭ كىرەبەرىس ەسىكتەرىندە بولعان. ءورت قويۋشى بەينەباقىلاۋ كامەراسىنا ءتۇسىپ قالعان.