سەمەيدە 7 جاسار قىز بالا ەسكى توڭازىتقىشتان شىعا الماي تۇنشىعىپ كوز جۇمدى

استانا. قازاقپارات - قايعىلى جاعداي 25 - شىلدە كۇنى كەشكى ۋاقىتتا تىركەلگەن. ەسكى توڭازىتقىشتىڭ ىشىندە تۇنشىعىپ قالعان قىز بالا جەدەل جاردەم كەلگەنشە جان تاپسىرعان، دەپ حابارلايدى «قازاقپارات» ح ا ا ءتىلشىسى.

سەمەي قالاسىنىڭ ءى ءى ب باسپا ءسوز قىزمەتىنەن حابارلاعانداي، 25 - شىلدە كۇنى شامامەن تۇنگى ساعات 23:00 شاماسىندا «02» نومىرىنە ءبىر ازاماتشا قوڭىراۋ سوعىپ، 2010 -جىلى تۋعان قىزىنىڭ جوعالىپ كەتكەندىگىن حابارلاعان.

 «وقيعا ورنىنا جەتكەن «اۋەزوۆ» پوليتسيا ءبولىمىنىڭ ارنايى تەرگەۋ توبى ءۇيدىڭ اۋلاسىندا تۇرعان توڭازىتقىشتىڭ ىشىنەن بالانىڭ ءمايىتىن تاۋىپ الدى. بالا اۋا جەتپەي كوز جۇمعان. ويناۋعا دالاعا شىققان ول توڭازىتقىشقا كىرىپ، قايتا شىعا الماي قالعان»، - دەيدى ۆەدومستۆودا. قايعىلى وقيعا سەمەي قالاسىنداعى جەكە تۇرعىن ۇيلەردىڭ بىرىندە بولدى. قۇقىق قورعاۋشىلار ءىستىڭ اق- قاراسىن انىقتاۋ ۇستىندە.

 ايان بەكەن ۇلى