قىتايدا قۇرىلىس كرانى قۇلاپ، 7 ادام قازا تاپتى
استانا. قازاقپارات - گۋاڭجوۋدا مۇنارا كرانى قۇلاپ، 7 ادام قازا تاپتى، 2 ادام زارداپ شەكتى، دەپ حابارلادى شينحۋا.
گۋاڭجوۋ (گۋاڭدۋڭ پروۆينسياسى، وڭتۇستىك قىتاي) حايجۋ اۋدانى اكىمشىلىگىنىڭ رەسمي پاراقشاسىنىڭ كەلتەبلوگىندا جاريالانعان حابارلاماعا سايكەس قۇرىلىس الاڭدارىنىڭ بىرىندە مۇنارالى كران قۇلاعان.
باستاپقى مالىمەت بويىنشا، 7 ادام كوز جۇمعان، 2 ادام زارداپ شەككەن. قازىرگى ۋاقىتتا زارداپ شەككەندەردىڭ جاعدايى تۇراقتى. ولاردىڭ ومىرىنە ەش قاۋىپ جوق. وقيعاعا قاتىستى تۇلعالار ۇستالدى، اپات سەبەپتەرى تەكسەرىلۋدە.
