بۇگىن قازاقستاننىڭ 7 وبلىسىندا داۋىل تۇرىپ، بۇرشاق جاۋادى
استانا. قازاقپارات - اتموسفەرالىق فرونتتاردىڭ وتۋىنە بايلانىستى 21- شىلدە كۇنى قازاقستاننىڭ باسىم ايماعىندا قۇبىلمالى اۋا رايى ساقتالادى.
كەي جەرلەردە نايزاعاي ويناپ، جاڭبىر جاۋادى، بۇرشاق ءتۇسۋى مۇمكىن. سونداي-اق جەل كۇشەيىپ، داۋىل تۇراتىنى كۇتىلۋدە.
رەسپۋبليكانىڭ سولتۇستىك، سولتۇستىك-باتىسىندا تۇندە جانە تاڭەرتەڭ تۇمان بولۋى ىقتيمال. ال ەلدىڭ وڭتۇستىك-باتىس، وڭتۇستىك جانە وڭتۇستىك-شىعىسىندا جاۋىن-شاشىنسىز كۇن رايى ساقتالادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، اقمولا وبلىسىنىڭ كەي جەرلەرىندە بۇرشاق جاۋىپ، داۋىل تۇرۋى مۇمكىن، تۇندە جانە تاڭەرتەڭ تۇمان كۇتىلەدى، كۇندىز 15-20 م/س ەكپىندە جەل سوعادى.
قوستاناي وبلىسىنىڭ كەي جەرلەرىندە جەل 18 م/س كۇشەيەدى، تۇندە جانە تاڭەرتەڭ تۇمان تۇسەدى، كۇندىز بۇرشاق جاۋىپ، داۋىل بولۋى ىقتيمال.
سولتۇستىك قازاقستان وبلىسىنىڭ كەي جەرلەرىندە جەلدىڭ ەكپىنى 15-20 م/س ارتادى، بۇرشاق، داۋىل بولۋى ىقتيمال، تۇندە جانە تاڭەرتەڭ تۇمان بولجانادى.
شىعىس قازاقستان وبلىسىنىڭ جەكەلەگەن جەرلەرىندە جەل 15-20 م/س كۇشەيەدى، كۇندىز بۇرشاق پەن داۋىل كۇتىلەدى. كۇندىز پاۆلودار، قاراعاندى وبلىستارىنىڭ كەي اۋماقتارىندا جەلدىڭ جىلدامدىعى 15-20 م/س ارتادى، بۇرشاق جاۋىپ، داۋىل تۇرۋى ىقتيمال.
باتىس قازاقستان وبلىسىنىڭ كەي جەرلەرىندە جەل 15-20 م/س كۇشەيەدى، بۇرشاق پەن داۋىل بولجانادى. وڭتۇستىك قازاقستان، اقتوبە، كۇندىز اتىراۋ، جامبىل وبلىستارىنىڭ كەي جەرلەرىندە جەل 15-20 م/س كۇشەيەدى. سونداي-اق كۇندىز الماتى، ماڭعىستاۋ، اتىراۋ، اقتوبە وبلىستارىندا، جامبىل، قاراعاندى وبلىستارىنىڭ كەي جەرلەرىندە قاتتى ىستىق كۇتىلەدى.
وڭتۇستىك قازاقستان، قىزىلوردا وبلىستارىندا، باتىس قازاقستان، اتىراۋ، اقتوبە، قوستاناي، قاراعاندى، جامبىل، الماتى وبلىستارىنىڭ كەي جەرلەرىندە جوعارى ءورت قاۋپى ساقتالادى.
