ءولىم اۋزىندا جاتقان 7 جاسار بالانىڭ سوڭعى تىلەگى جۇرتتىڭ جۇرەگىن ەلجىرەتتى
فيليپپ شيپاسى جوق اۋىر دەرتكە شالدىققان دەپ جازدى qamshy.kz پورتالى.
اناسىنان ايىرىلىپ جارتىلاي جەتىم قالعان بالا پولشادا دۇنيەگە كەلگەنىمەن، بۇگىنگى كۇنى ەم الۋ ءۇشىن اكەسىمەن ۇلى بريتانيادا تۇرىپ جاتىر.
وسىدان 6 جىل بۇرىن فيليپپتىڭ اناسى قاتەرلى ىسىكتەن كوز جۇمدى. ەندى، اۋىر دەرتكە بالاسى شالدىقتى. فيليپپ حيميوتەراپيادان ءوتىپ ءجۇر، وسىعان دەيىن بىرنەشە مارتە وتا جاسالعان. الايدا، ءبىر دە بىرەۋى وڭ ناتيجە بەرە قويمادى. دارىگەرلەر دە ءۇمىتىن ءۇزدى.
ولاردىڭ ەندىگى قولىنان كەلەتىنى بالانىڭ اۋرۋىن ءسال بولسا دا جەڭىلدەتۋ. فيليپپتىڭ دەنەسىندە جانىن قينايتىن سۇيىقتىق پايدا بولدى. ءوزىنىڭ امان قالماسىن بىلگەن 7 جاسار پەرىشتە سوڭعى تىلەگىن ايتتى. بالا جۇرەك قايتىس بولعان سوڭ ءوزىن اناسىنىڭ جانىنا جەرلەگەنىن قالايدى ەكەن.
بۇنى بىلگەن فەيسبۋك قولدانۋشىلارى بالانىڭ پولشاعا اۋىسۋى ءۇشىن بار جاعدايدى قاراستىرىپ ءجۇر.
