قاراعاندى وبلىسىندا 7-سىنىپ وقۋشىسى ساباققا «ءىشىپ» كەلگەن
وقۋشىسىنىڭ ماس جۇرگەنىن بايقاپ قالعان مۇعالىم ونى بىردەن اۋرۋحانانىڭ توكسيكولوگيالىق بولىمىنە جەتكىزگەن. وعان ىشىمدىككە ۋلانعان دەگەن دياگنوز قويىلدى. «ۇل بالا ىشىمدىكتى وزىمەن بىرگە الىپ كەلگەنىن مويىنداعان. قىزمەتتىك تەكسەرۋ ءجۇرىپ جاتىر، بالانىڭ قاي كەزدە قانداي جاعدايدا اراق ءىشىپ ۇلگەرگەنى انىقتالىپ جاتىر»، - دەيدى ورتا مەكتەپتىڭ كەزەكشى مۇعالىمى.
بۇل قاراعاندى وبلىسىندا بولىپ وتىرعان ءبىرىنشى توسىن وقيعا ەمەس. 2016 -جىلى 23 -قاڭتار كۇنى قاراعاندى قالاسىنداعى ورتا مەكتەپتەردىڭ بىرىندە 7-سىنىپ وقۋشىسى ساباق ۇستىندە 3 -قاباتتان سەكىرىپ كەتكەن. كەيىن انىقتالعانداي، ساباق ۇستىندە تىنىش وتىرمايتىن وقۋشىنى مەكتەپ ديرەكتورى شاقىرىپ الىپ، بۇل ادەتىن قويماسا ءتارتىبى تومەن وقۋشىلاردىڭ مەكتەبىنە اۋىستىرىپ جىبەرەمىن دەپ قورقىتقان. وعان اشۋلانعان وقۋشى ساباق ۇستىندە 3-قاباتتان سەكىرىپ كەتكەن. كوپتەگەن جاراقاتتارمەن جاس ءوسپىرىم اۋرۋحاناعا تۇسكەن ەدى. كەيىن مەكتەپ ديرەكتورى مەن ونىڭ ورىنباسارى تارتىپتىك جازاعا تارتىلدى.
اۆتور: ەربول جانات
