قازاقستانعا سالىنعان قىتاي ينۆەستيتسياسىنىڭ كولەمى 7 ەسە ارتتى
بۇل 2015 -جىلدىڭ سايكەس كەزەڭىمەن سالىستىرعاندا 7 ەسەگە كوپ. بۇل جايىندا قازاقپارات finprom.kz سايتىنا سىلتەمە جاساپ حابارلايدى.
الايدا كەرى باعىتتاعى ساۋدا بەلسەندىلىگى قۇلدىراۋ ۇستىندە. قازاقستاننان قىتايعا جالپى ينۆەستيتسيا اعىنىنىڭ كولەمى ءبىر جىلدىڭ ىشىندە 3 پايىزعا كەمىپ، 2016 -جىلدىڭ قاڭتار- قىركۇيەگىندە 41,1 ميلليون دوللاردى قۇراعان.
قازاقستاننىڭ قىتايعا جالپى سىرتقى قارىزى 12,3 ميلليارد دوللار (2016 -جىلدىڭ قىركۇيەك ايىنىڭ سوڭى) دەڭگەيىندە قالىپتاسىپ وتىر. ونىڭ نەگىزگى بولىگى بانكتىك ەمەس قارجىلىق ۇيىمدار مەن قارجىلىق ەمەس ۇيىمدارعا، ءۇي شارۋاشىلىعى مەن كوممەرتسيالىق ەمەس ۇيىمدارعا تيەسىلى.
قىتاي قازاقستاننىڭ باستى 4 ساۋدا سەرىكتەستەرىنىڭ ءبىرى. 2015 -جىلدىڭ سوڭىندا ەكى ەلدىڭ اراسىندا كولىك ينفراقۇرىلىمى، ساۋدا، قايتا وڭدەۋ ونەركاسى، قۇرىلىس، اۋىل شارۋاشىلىعى جانە باسقا دا سالالارداعى ىنتىماقتاستىقتىڭ كلاستەرلىك ايماقتارىن قۇرۋ بويىنشا 5 كەلىسىمگە قول قويىلعان.
قازاقستان بۇل ەلگە ازىق- تۇلىكتى ارزانعا ساتا باستادى. 2016 -جىلدىڭ قاڭتار- قاراشاسىندا قىتايعا جەتكىزىلگەن ازىق- تۇلىك ونىمدەرى ەكسپورتىنىڭ كولەمى 115,5 ميلليون دوللاردى قۇرادى. بۇل 2015 -جىلدىڭ سايكەس كەزەڭىندەگى كورسەتكىشتەن 28 پايىزعا كەم. ەلىمىز قىتايعا نەگىزىنەن استىق، مايلى داقىلدار، كۇنباعىس تۇقىمىن، ماي مەن نان ەكسپورتتايدى. ال قىتايدان قازاقستانعا تسيتۋرس جەمىستەرى، قىزاناق، الما، المۇرت جانە شابدالى جەتكىزىلەدى. 2016 -جىلدىڭ قىركۇيەك ايىنىڭ سوڭىندا قازاقستاننىڭ قىتاي الدىنداعى ازىق- تۇلىك تاۋارلارى سالاسىنداعى مىندەتتەمەسى نولگە دەيىن قىسقاردى.
قىتايعا مينەرالدىق ونىمدەر، سونداي- اق وتىن- ەنەرگەتيكالىق تاۋارلار ەكسپورتى كەمىدى. ءبىر جىلدىڭ ىشىندە ول 33 پايىزعا قۇلدىراپ، 2016 -جىلدىڭ قاڭتار- قاراشاسىندا 133 ميلليون دوللاردى قۇرادى. بۇل سالاداعى نەگىزگى ەكسپورتتىق تاۋارلاردىڭ قاتارىندا شيكى مۇناي، گاز، كۇكىرت جانە كەن بار. قورعاسىن كەنىنىڭ ەكسپورت كولەمى 4,3 پايىزعا ءوستى.
اۆتور: مارلان جيەمباي
