ش. ايمانوۆ اتىنداعى «قازاق فيلم» قىسقامەتراجدى 7 فيلمنىڭ ءتۇسىرىلىمىن اياقتادى

استانا. قازاقپارات - ش. ايمانوۆ اتىنداعى «قازاق فيلم» كينوستۋدياسىنىڭ «دەبيۋت» شىعارماشىلىق وندىرىستىك بىرلەستىگىندە ق ر مادەنيەت جانە سپورت مينيسترلىگىنىنىڭ تاپسىرىسى بويىنشا قىسقامەتراجدى كوركەم فيلمەردىڭ ءوندىرىسى اياقتالدى.

«جەتىم بۇرىش» (رەجيسسەرى ە. بورانشى)، «جەستكي تيپ» (بايمۇرات جۇمانوۆ) «ميشا» (ا. اۋەلبەك)، «نا گراني» (ا. بايراكيموۆ)، «پيسمو» (ا. مۇساتايەۆ)، «تاكسيست» (د. ماحمۇت) جانە «ەل فريمان» (ە. راقىمبەكوۆ) تۋىندىلارىنىڭ ءتۇسىرىلىمى اياقتالىپ، مونتاجداۋ جۇمىستارى باستالدى. «قازاق فيلمنىڭ» نەگىزگى ماقساتتارىنىڭ ءبىرى - جاس كينەماتوگرافيستەرگە قولداۋ كورسەتۋ.

وسى ورايدا، ءبىز جىل سايىن التى- جەتى جاس تالاپكەرگە تىرناقالدى فيلمدەرىن تۇسىرۋگە مۇمكىندىك بەرەمىز. بۇل مۇمكىندىك تەك رەجيسسەرلەرگە عانا ەمەس سونداي-اق، باسقا دا جاس كينو ماماندارىنا بەرىلەدى. قازاق كينوسىنىڭ كەلەشەگى وسى جاستاردىڭ قولىندا، سوندىقتان دا ولارعا كينو ونەرىنە جول اشۋ قاجەت»، - دەدى ش. ايمانوۆ اتىنداعى «قازاق فيلم» ا ق پرەزيدەنتى ب. ع. قايىربەكوۆ.

«قازاق فيلم» كينوستۋدياسىندا 1959 -جىلدان باستاپ قىسقامەتراجدى كينو ءتۇسىرۋ تاجىريبەسى ەنگىزىلگەن. كەيىننەن، بۇل ماقساتتا ارنايى «دەبيۋت» شىعارماشىلىق وندىرىستىك بىرلەستىگى اشىلدى. سودان بەرى تالاي رەجيسسەر ەلىمىزگە تانىلدى. بىرلەستىكتىڭ باستى ماقساتى - جاس كينەماتوگرافيستەرگە ستسەناريي جازۋدان باستاپ پوست- پروداكشنگە دەيىنگى ءوندىرىس ۇردىسىمەن تانىستىرۋ.

انىقتاما: ش. ايمانوۆ اتىنداعى «قازاق فيلم» ا ق - كوركەم، دەرەكتى، انيماتسيالىق كينو ءوندىرىسى مەن وندىرىستەن كەيىنگى كەزەڭدە تۇرعان ونىمدەرمەن (ونىڭ ىشىندە مونتاجداۋ، دىبىستاۋ، ت. ب. ) اينالىساتىن قازاقستانداعى نەگىزگى كينوكومپانيا. ش. ايمانوۆ اتىنداعى «قازاق فيلم» كينوستۋدياسىنىڭ تاريحى 1934 -جىلدان باستاۋ الادى، ءدال وسى جىلى الماتى كينوحرونيكا ستۋدياسى قۇرىلدى، ال 1941 -جىلى الماتى كوركەم فيلمدەر ستۋدياسى دەپ وزگەرتىلىپ، كينوستۋديانىڭ وندىرىستىك نەگىزى بارىنشا نىعايا ءتۇستى.

1941 -جىلى 15 -قاراشادا الماتى كينوستۋدياسى قازاقستانعا كوشىرىلگەن «موسفيلم جانە «لەنفيلم» كينوستۋديالارىمەن بىرلەسىپ، بىرلەسكەن ورتالىق كينوستۋديا بولىپ قايتا قۇرىلىپ، الماتىدا 1944 -جىلعى دەيىن جۇمىس ىستەدى. سوعىس جىلدارى كەزەڭىندە وتاندىق كوركەم فيلمدەردىڭ 80 پايىزىن اتالمىش ورتالىق كينوستۋديا شىعاردى. 1960 -جىلى «قازاق فيلم» اتاۋىنا يە بولدى. 1984 -جىلى كينوستۋدياعا ۇلتتىق كينەماتوگرفيانىڭ كورنەكتى قايراتكەرى شاكەن ايمانوۆتىڭ ەسىمى بەرىلدى.