ستۋدەنتتەرگە ەڭ قولايلى 7 جۇمىس
ستۋدەنتتەردىڭ وقۋمەن قاتار الىپ جۇرەتىن، وزىنە ءتيىمدى گرافيك قويا الاتىن جەتى جۇمىس ورنىن انىقتاپ كورەيىك، دەپ جازادى 7kun.kz .
داياشى
بۇل ماماندىق قيىن بولعانىمەن، جۇمىس ۋاقىتى قولايلى ءارى ايلىعى دا از ەمەس. الماتى قالاسىنىڭ داياشىلارى ءبىر ايدا ورتا ەسەپپەن 70 مىڭنان 300 مىڭعا دەيىن ايلىق الادى. ارينە، ءسىزدىڭ تابىسىڭىز ىستەيتىن جەردىڭ بەدەلىنە، اتاعىنا بايلانىستى. مىسالى، ورتا كلاسستىق كوفەحانالاردىڭ داياشىلارى ايىنا 100 مىڭ، ال جوعارى كلاسستتىق - ايىنا 150-200 مىڭ تەڭگە تابىس تابادى. داياشىلاردىڭ جۇمىسىن قاجەت ەتەتىن ورىنداردىڭ ءار ءتۇرى بولادى، ال قاي جەر ءسىز ءۇشىن قىزىقتى - ول ءوز تاڭداۋىڭىز.
پروموۋتەر
جارناما مامانى دەۋگە بولادى. پروموۋتەر جۇمىسىن ءبىر ءوزىڭىز نەمەسە توپ بولىپ ىستەۋىڭىزگە بولادى. بۇل كاسىپتىڭ جۇمىس كەستەسى وتە ىڭعايلى. جۇمىس بەرۋشى سىزگە ناقتى ۋاقىتتى بەلگىلەمەۋى دە مۇمكىن. ءسىزدىڭ باستى مىندەتىڭىز ناقتى ءبىر بەرىلگەن تاۋاردى جارنامالاۋ. جارناما ءتۇرى سان الۋان. ءسىز كوشەدە جارناما پاراقشالارىن تاراتاسىز نەمەسە عيمارات سىرتىنا سول تاۋاردىڭ اتاۋىن جازىپ كەتەسىز. ءبىراق پروموۋتەردىڭ ايلىق تابىسى داياشىعا قاراعاندا ءبىرشاما تومەن. الماتى قالاسىندا 20 مىڭنان 100 مىڭعا دەيىن بارادى.
ساتۋشى
جۇمىس ىزدەۋ سايتتارىندا ءجيى كەزدەسەتىن ماماندىق - ساتۋشى- كەڭەسشى. بىزدە ساۋدا ورتالىقتارى مەن ساۋدا ورىندارى جەتەرلىك، سوندىقتان ساتۋشىلار سۇرانىسقا يە. كۇننىڭ ەكىنشى جارتىسىندا بوس بولاتىن ستۋدەنتتەرگە بۇل وتە قولايلى جۇمىس، ويتكەنى ءتۇس ۋاقىتىنان تۇنگە دەيىنگى گرافيك بار. ساتۋشى بولىپ جۇمىس جاساۋ ءۇشىن، كەز كەلگەن اداممەن ءتىل تابىسا الۋ كەرەك. رەزيۋمەڭىزدى جازىپ، دۇكەندەرگە تاراتىپ شىقساڭىز ءسىزدى تاعىلىمداماعا شاقىرادى. ايلىق تابىسىڭىز 40 مىڭنان باستالىپ 120 مىڭعا دەيىن بارۋى مۇمكىن. بۇل ماماندىقتا بونۋستىق ەسەپ كوپ تارالعان. قانشا ساتساڭىز، سونشا الاسىز.
كۋرەر (اتشابار)
اسا بىلىمىڭىزگە قارامايتىن جۇمىستاردىڭ ءبىرى - كۋرەرلىك. ءبىر جەردەن ەكىنشى جەرگە بەلگىلى ءبىر زاتتى، قۇجاتتى نەمەسە تاۋاردى جەتكىزۋ. ەڭ باستىسى سول قالپىندا ساقتاپ، زاتتى قۇرتىپ الماساڭىز بولعانى. ەگەر ءسىزدىڭ جەكە كولىگىڭىز نەمەسە باسقا ءجۇرىپ- تۇرۋ قۇرالىڭىز بولسا، ايلىق تابىسىڭىز دا جوعارى بولادى. مىسالى، كولىگى بار كۋرەرلەر 100 مىڭنان 230 مىڭعا دەيىن ايلىق السا، جاياۋ كۋرەر 30 مىڭنان 100 مىڭعا دەيىن تابىس تابادى.
جارناما جابىستىرۋشى
پروموۋتەرلىكتەن نە ايرماشىلىعى بار دەسەڭىز، بۇل ماماندىقتا ناقتى نۇسقاۋلىقتار بار. سىزگە حابارالامانى قاعاز تۇرىندە بەرەدى جانە قاي جەردە ءىلىنىپ تۇرۋ كەرەكتىگىن دە ايتادى. سوندا سىزگە كۇنىنە 2-3 ساعات ۋاقىتىڭىزدى قيىپ، ءبىر كۇنگە بەرىلگەن تاپسىرمانى ورىنداۋ جەتكىلىكتى. جاپىستىرۋشىنىڭ تابىسى ايىنا ەمەس، كۇندەلىكتى بەرىلەتىن جاعدايلار بار. كۇنىنە 2 مىڭنان 4 مىڭعا دەيىن، نەمەسە ايىنا 30 مىڭنان 120 مىڭعا دەيىن قاراجات تابۋعا بولادى.
Call-center (وپەراتور)
جاستاردىڭ ەڭ كوپ پايدالاناتىن قۇرالى - تەلەفون. سىزگە قوڭىراۋ شالىپ تۇرعان ادامعا بارىنشا كومەك بەرۋ - باستى مىندەتىڭىز. ءسىز ءار- ءتۇرلى سالانىڭ مامانى بولۋىڭىز مۇمكىن. مىسالى، ۇيالى بايلانىس وپەراتورى نەمەسە تەلەفون ارقىلى پسيحولوگيالىق كومەك كورسەتۋ. وپەراتور بولىپ ساباقتان بولەك تۇنگى ۋاقىتتا دا جۇمىس جاساۋعا بولادى. ايلىق تابىسىڭىز 50 مىڭنان 150 مىڭعا دەيىن بارادى.
انيماتور
ەگەر ءسىز بالالاردى جاقسى كورسەڭىز، ولارمەن وڭاي ءتىل تابىسا الساڭىز بۇل جۇمىس سىزگە ارنالعان. انيماتور بولىپ جۇمىس جاسايتىن ستۋدەنتتەر بارشىلىق، ويتكەنى اسا قيىن ەمەس، ۋاقىتى دا ىڭعايلى. ءسىز تەك بالالارعا ارنالعان ويىن الاڭدارىندا عانا ەمەس، ولار ءۇشىن ۇيىمداستىرىلعان مەرەكەدە دە جۇمىس جاساي الاسىز. بالاعا كوڭىلدى مەرەكە جاسايتىن اتا- انالار كوپ. سول سەبەپتى انيماتورلاردىڭ جۇمىسى سۇرانىسقا يە بولىپ تۇر. بۇلدىرشىندەردى ويناتىپ، كوڭىلدەرىن اۋلاساڭىز بولعانى. الماتى قالاسىنىڭ انيماتورلارى 40 مىڭنان 150 مىڭعا دەيىن قاراجات تابا الادى.
ايزا ابلاكيم
