جولاۋشىلار ۇشاعى تۋرالى 7 قۇپيانى بىلەسىز بە - فوتو
نۇر-سۇلتان. قازاقپارات - اعايىندى رايتتار داۋىرىنەن بەرى ۇشاق سان مىڭ مارتە وزگەردى. ەسكى ۇشاقتاردىڭ قازىرگى Boeing Dreamliner اۋە كەمەلەرىمەن ەش ۇقساستىعى جوق.
بۇل تۋرالى Business Insider حابارلايدى.
وسى رەتتە نازارلارىڭىزعا اۋە تاسىمالىن اتقاراتىن ۇشاقتار تۋرالى ءبىرقاتار قۇپيا دەرەكتەردى نازارلارىڭىزعا ۇسىنامىز.
ۇشاقتار نايزاعايعا قارسىلىق كورسەتە الاتىنداي ەتىپ جوسپارلانعان
ۇشۋ كەزىندە ءجيى تۇسەتىن نايزايعايعا ۇشاقتار قارسىلىق بىلدىرە الادى. زەرتتەۋ بويىنشا نايزاعاي جىلىنا ءبىر رەت بولسىن ايتەۋىر ۇشاقتاردىڭ بارلىعىنا ءبىر «تيىسەتىن» كورىنەدى. وعان قارسى قورعانىس كۇشىن 1963-جىلى ينجەنەرلەر توبى جاساپ شىققان: ەلەكترلىك قۋات ۇشاق ارقىلى ءوتىپ، ودان شىعادى.
ۇشاقتاعى ەڭ قاۋىپسىز ورىن
امەريكالىق فەدەرالدى اۆياتسيالىق اكىمشىلىكتىڭ ايتۋىنشا، ارتقى بولىكتەگى ورتاڭعى ورىن قاۋىپتى جاعدايلاردا ساقتاپ قالۋ جاعىنان تىم تومەنگى پايىزعا يە ەكەن. زەرتتەۋ كورسەتكەندەي، اۋە اپاتى كەزىندە ۇشاقتىڭ ارتقى جاعىنداعى ورىن 32 پايىز ءولىم قاۋپىنەن ساقتاي الادى.
كەي ۇشاقتاردا ەكيپاج مۇشەلەرىنە ارنالعان قۇپيا جاتىن بولمەسى بار
الىس رەيستەرگە ۇشۋ كەزىندە ەكيپاج كۇنىنە 16 ساعاتقا دەيىن تىنباي جۇمىس ىستەيدى. كەي ۇشاقتار، ماسەلەن، Boeing 777 نەمەسە 787 Dreamliners ەكيپاج مۇشەلەرىنىڭ تىنىعىپ الۋى ءۇشىن شاعىن جاتىن بولمەسىن جاساپ قويعان. ەرەجە بويىنشا، جاتىن بولمەگە اپاراتىن قۇپيا باسپالداق بار. وندا شامامەن التى مەن ون ورىنداي قاراستىرىلعان.
ۇشاق شيناسى قونۋ كەزىندە جارىلىپ كەتپەيتىندەي ەتىپ جاسالعان
ۇشاق قونۋ پروتسەسى كەزىندە اسا اۋىر سالماقپەن (38 توننا) ءتۇسىپ، جەرگە ساعاتىنا 270 شاقىرىم جىلدامدىقپەن 500 رەتتەن دە كوپ جاناسادى. ونىڭ دوڭعالاقتارى 200 پ ا كۇشكە تەڭەستىرىلگەن. ال بۇل كورسەتكىش اۆتوكولىك دوڭعالاقتارىنىڭ كۇشىنەن التى ەسەگە كوپ. ەگەر ۇشاق جاڭا شينانى قاجەت ەتسە، جەردەگى كوماندا ۇشاقتى ارنايى قۇرىلعىمەن (دومكرات) كوتەرىپ، ەش قيىندىقسىز اۋىستىرا سالادى.
ۇشاق قونۋعا جاقىنداعان كەزدە ەكيپاج نەلىكتەن جارىقتى ازايتادى؟
ۇشاق تۇنگى ۋاقىتتا قوناتىن بولسا، ەكيپاج جارىقتى ازايتادى. بارلىق جاعدايدى الدىن-الا ەسكەرگەن ەكيپاج، جولاۋشىلارعا ەۆاكۋاتسيا قاجەت بولىپ قالعان جاعدايدا ولاردىڭ كوزدەرىنىڭ قاراڭعىلىققا ۇيرەنە بەرۋىن ەسەپكە العان.
ۇشۋ ءۇشىن ەكى قوزعالتقىش كەرەك ەمەس
كەز-كەلگەن ۇشاق جالعىز قوزعالتقىشپەن دە ءساتتى ۇشىپ جۇرە الادى. ءبىراق، مۇحيت ۇستىمەن جانە انتاركتيدا سەكىلدى ادام جوق جەرلەردىڭ ۇستىمەن ۇشاتىن ۇشاقتارعا ەكى قوزعالتقىش سالۋ مىندەتتەلگەن. ولار FAA سەرتيفيكاتىن يەلەنۋى ءتيىس.
نەلىكتەن دارەتحاناعا كۇلسالعىش قويىلعان؟
ەرەجە بويىنشا بىرنەشە جىل بۇرىن دارەتحانادا شىلىم شەگۋگە تىيىم سالىنعان. ءبىراق، اسا مۇقيات جولاۋشىلار دارەتحانالاردا ءالى كۇنگە كۇلسالعىش بار ەكەنىن بىلەدى. سەبەپ مىنادا: ۇشاقپەن جۇمىس ىستەيتىن اۋە كومپانياسى جانە ادامدار تەمەكى شەگۋگە سالىنعان تىيىمعا قاراماستان كەي جولاۋشىلاردىڭ سالوندا تەمەكى تۇتاتا سالۋى مۇمكىن دەيدى. ودان دا جولاۋشىنىڭ دارەتحانادا تەمەكى تارتىپ، ونى كۇلسالعىشقا تاستاعانى ءتيىمدى. ال ەگەر تەمەكى قالدىعىن باسقا جەرگە نەمەسە قوقىس اراسىنا تاستاي سالسا وندا ول اسا ۇلكەن قاۋىپكە الىپ كەلۋى مۇمكىن.
stan.kz
