ليمونمەن ءۇي جاعدايىندا 7 اۋرۋ تۇرىنەن ەمدەلۋگە بولادى

استانا. قازاقپارات - ليمون - قانداي اۋرۋعا شالدىقساڭىز دا كومەكتەسەتىن جەمىس ءتۇرى. ويتكەنى ونىڭ قۇرامىندا دارۋمەندەر، پايدالى ەلەمەنتتەر كوپتەپ كەزدەسەدى.

تاماعىڭىز، ءىشىڭىز، ءتىپتى باۋىرىڭىز اۋىرسا دا بىردەن ليموندى ەسكە الىڭىز. ءقازىر ءبىز سىزدەردىڭ نازارلارىڭىزعا ليمونمەن ەمدەۋگە بولاتىن 7 اۋرۋ ءتۇرىن ۇسىنامىز.

تاماق اۋرۋى (انگينا).

تاماعىڭىز قاتتى اۋىرعان كەزدە ليموننىڭ جارتىسىن الىپ، قابىعىمەن بىرگە جەڭىز. اشى، ءبىراق وتە پايدالى. سونىمەن قاتار ليمون شىرىنىمەن دە تاماعىڭىزدى شايساڭىز بولادى. ول ءۇشىن: ليموننىڭ ۇشتەن ءبىر بولىگىن الىپ، سۋمەن ارالاستىرىپ، تاماعىڭىزدى ساعات سايىن شايىپ تۇرىڭىز نەمەسە كۇنىنە 3 رەت تاماعىڭىزعا جاعىڭىز.

برونح قابىنۋى (كەڭىردەكشە).

ەگەر برونح قابىنۋىنا دەيىن جەتسە، وندا 50 گرامم ۇككىشتەن وتكىزىلگەن اقجەلكەك پەن 2-3 سيترۋستىك جەمىستىڭ شىرىنىنىنان سۋسىن جاساڭىز. كەيىن سونى شاي قاسىقپەن كۇنىنە بىرنەشە مارتە تۇتىنىپ كورىڭىز. الايدا ارتىنان ەشتەڭە ىشپەگەنىڭىز دۇرىس. سارىمساقپەن ارالاسقان ليمون سىزگە دەنساۋلىعىڭىزعا كۇشتى اسەر ەتەدى. ونى دايىنداۋ ءۇشىن ءسىز 5 ليمون مەن 4 سارىمساق بولىگىنە 1 ليتر قايناعان سۋ قۇيىپ، قاقپاعىن قاتتى جاۋىپ، 5 تاۋلىك مۇزداي، قاراڭعى جەردە ۇستاۋىڭىز كەرەك. دايىن بولعان سوڭ كۇنىنە 3 رەت تاماقتان 20 مينۋت بۇرىن شاي قاسىقپەن ءىشىڭىز.

جۇرەگىڭىز اينىسا.

جۇرەگىڭىز اينىپ، مايلى تاماق جەگەننەن كەيىن قۇسقىڭىز كەلسە، جارتى ليموننىڭ شىرىنى مەن جارتى شاي قاسىق اس سوداسىن ارالاستىرىپ، ىشسەڭىز، اۋرۋىڭىز بىردەن باسىلادى.

تۇماۋ.

تۇماۋ كەزىندە دارىلىك شوپتەرمەن جانە ليمونمەن شاي ءىشىڭىز. اسىرەسە جالبىز، قىرمىزى، شاتىراش، قىرىقبۋىن، باقاجاپىراق سەكىلدى شوپتەرمەن ىشكەنىڭىز جاقسى. مۇنداي قوسپالار اعزاڭىزداعى كالتسي مولشەرىن كوبەيتەدى. ال كالتسيي قىزۋىڭىز كوتەرىلگەندە كەرەمەت كومەكتەسەدى.

جۇرەك- قان تامىرلارى جۇيەسىنىڭ اۋرۋى (اتەروسكلەروز).

ءبىر اس قاسىق قاراعاي قىلقانىنا ءبىر ستاقان قايناعان سۋ قۇيىپ، 30-60 مينۋت سۋىعانىن كۇتىڭىز. دايىن تۇنبانى سۇزگىدەن وتكىزىپ، قابىعى اشىلعان جانە ۇنتاقتالعان جارتى ليمونمەن ارالاستىرىپ، كۇنىنە 3 رەت تاماققا دەيىن تۇتىنىڭىز. ەمدەلۋ كۋرسى - 15-20 كۇن.

باۋىردىڭ قابىنۋى (گەپاتيت).

مۇنداي اۋرۋعا شالدىقساڭىز، ليمون سۋىن نەمەسە شىرىنىن كۇن سايىن مىندەتتى تۇردە تۇتىنۋىڭىز كەرەك. ول ليموننىڭ قابىعىن ارشىپ، ەكىگە ءبولىپ، ۇستىنە قايناعان سۋ قۇيىپ، 12 ساعاتقا قالدىرىڭىز. دايىن بولعان سوڭ ءبىر ستاقاننان اش قارىنعا ءىشۋدى ۇمىتپاڭىز.

ارتەريالىق قىسىمنىڭ تومەندەۋى (گيپوتونيا).

ارتەريالىق قان قىسىمىڭىز ءجيى تومەندەسە، 5-6 ليموندى ەتتارتقاشتان وتكىزىڭىز. دايىن بولعان ليمون ەزبەسىنە 100 گرامم شاعىر گۇلىنىڭ جاپىراقتارىن قوسىڭىز. بۇل دارىلىك وسىمدىكتى بارلىق ءدارىحانادان تابۋعا بولادى. بوتقاعا ءبىر ليتر قايناعان سالقىن سۋ قۇيىپ، 36 ساعات توڭازىتقىشقا سالىپ، اشىتىڭىز. سودان كەيىن جارتى كيلوگرامم بال قوسىپ، بارلىعىن جاقسىلاپ ارالاستىرىپ، قايتادان 25 ساعاتقا توڭازىتقىشقا قويىڭىز. تۇنبانى تاماق ىشۋىڭىزگە جارتى ساعات قالعاندا كۇنىنە 4 رەتتەن ءىشىڭىز. وسىلاي 3 اپتا قايتالاساڭىز، اۋرۋىڭىزدان ءبىرجولا ايىعاسىز.

 

anabol.kz