ءتورت جاسار بۇلدىرشىن الەمنىڭ 7 تىلىندە سويلەيدى- كەسكىن

استانا. قازاقپارات - 4 جاسار ماسكەۋلىك بەللا ديەۆياتكينا الەمنىڭ جەتى تىلىندە سويلەيدى (ورىس، اعىلشىن، فرانسۋز، يسپان، اراب، قىتاي، نەمىس). ول 2 جاسىنان باستاپ اناسىمەن بىرگە تىلدەردى مەڭگەرە باستاعان. كۇندەلىكتى شەت مەملەكەتتىڭ مۇعالىمدەرىنەن ساباق الادى.

«ۋديۆيتەلنىە ليۋدي» شوۋىندا بەللاعا شەت تىلدەرىندە سۇراقتار، ماتىندەر مەن تاپسىرمالار بەرىلدى. ارمانىنداعى سىيلىعىن الۋ ءۇشىن ول قويىلعان تالاپتاردىڭ ءبارىن ەش قيىندىقسىز ورىنداپ شىقتى، دەپ جازادى kaztrk.kz.

كىشكەنتاي بەللا قازىلار القاسىنىڭ جۇرەگىن ءبىر كورگەننەن باۋراپ الدى. ونىڭ فانتاستيكالىق مۇمكىندىكتەرى ەشكىمدى بەيجاي قالدىرمادى.