گولليۆۋدتىق جۇلدىزداردان اسىپ تۇسەتىن قازاقستاندىق 7 سۇلۋ
ءبىز ولارعا قىزىعا دا سۇيسىنە قارايمىز ءارى ماقتان تۇتامىز.
گاككۋ گولليۆۋدتىق جۇلدىزداردان اسىپ تۇسپەسە، كەم تۇسپەيتىن قازاقستاندىق ارۋلاردىڭ ءتىزىمىن جاسادى.
كامشات جولدىبايەۆا
كامشات جولدىبايەۆا قازاقستاندىق شوۋ- بيزنەستەگى ەڭ تارتىمدى سۇلۋلاردىڭ قاتارىنا كىرەدى. العاشقىدا ساحناعا ءانشى بولىپ شىققان جولدىبايەۆا سوڭعى جىلدارى ءوزىن اكتەرلىك قىرىنان تانىتىپ، كورەرمەندەرىن قۋانتىپ ءجۇر. ال سىرت كەلبەتى ءارقاشان ءمىنسىز.
دينارا سۇلتان
بۇل سۇلۋدى ءتورت بالانىڭ اناسى دەپ كىم ايتار؟ دينارا سۇلتان شىعارماشىلىعىن شىڭداپ، ومىردەگى ەڭ باستى پارىزىن ورىنداپ ءارى سىرت كەلبەتىن دە ءمىنسىز قالپىندا ساقتاپ كەلە جاتقان ەلىمىزدەگى ساناۋلى ونەرپازداردىڭ ءبىرى.
ايدانا مەدەنوۆا
«كەش you» توبىنىڭ ەكس- ءسوليسى ايدانا مەدەنوۆانىڭ سۇلۋلىعى قاشان دا ەل نازارىندا. «اقىلى كوركىنە ساي» دەپ ءدال ايداناعا ارناپ ايتىلعانداي. مەدەنوۆانىڭ تابيعي سۇلۋلىعى ءارقاشان ءساندى وبرازدارىمەن ۇشتاسىپ جاتادى.
ليدو
ەۋروپالىق ءستيلدى ۇناتاتىن ءانشى ليدو تىڭدارماندارىن نەشە ءتۇرلى وبرازدارىمەن قۋانتىپ كەلەدى. ادەتتە ەل الدىنا ءانشى نە ەتەگى ۇزىن كويلەكپەن نە مينيماليزم ستيلىندەگى وبرازدارىمەن شىعۋدى ۇناتادى. ال كۇندەلىكتى ومىردە ءانشى قاراپايىم ءارى ءساندى كيىنەدى.
التىناي تولەمبەتوۆا
شوۋ- بيزنەس كوشىنە جاڭادان قوسىلعان توپ «سارىننىڭ» ءسوليسى التىناي تولەمبەتوۆا وتاندىق شوۋ- بيزنەس سۇلۋلارىنىڭ قاتارىن تولىقتىردى. ايتا كەتەيىك، بيىلعى جىلى «جاڭا تولقىن» بايقاۋىنا ەلىمىزدىڭ اتىنان ءدال وسى «سارىن» توبى قاتىسقان بولاتىن. التىناي ساحنادا دا، كۇندەلىكتى ومىردە دە ءساندى ءارى قاراپايىم كيىنگەندى ۇناتادى.
اسەل ساعاتوۆا
اسەل ساعاتوۆا - ەلىمىزدەگى ەڭ تانىمال اكتريسالاردىڭ ءبىرى. «رەكەتير»، «يرونيا ليۋبۆي» فيلمدەرىندەگى وبرازدارىمەن تانىمالدىلىعى ارتا تۇسكەن اكتريسانىڭ سىرت كەلبەتى دە ءمىنسىز.
ايسۋلۋ ازىمبايەۆا
ايسۋلۋ ازىمبايەۆا - وتە دارىندى اكتريسا ءارى ءوڭتۇستىس استاناداعى ەڭ تارتىمدى بويجەتكەندەردىڭ ءبىرى. ازيا ەلىندە دۇنيەگە كەلگەنىنە قاراماستان، ايسۇلۋدىڭ كيىنۋ ءستيلى ناعىز ەۋروپالىق بيكەشتەرگە ءتان.
Stan.kz
