شاشتى جىلدام ءوسىرۋدىڭ ۇندىلىك 7 ءادىسى

استانا. قازاقپارات - تانىسىپ قويىڭىزدار، بۇل - سۋشميتا. ول - شاش كۇتۋ شەبەرى جانە تانىمالدىق جيناپ كەلە جاتقان ءۇندىستاندىق ۆيدەوبلوگشى.

ءبىز ونىڭ شاشىنا قىزىعا دا تامسانا قارايمىز. سوندىقتان شات كۇتىمى بويىنشا ۇسىنعان كەڭەستەرىن قولدانىپ كورۋدى ۇيعاردىق.

الوە شىرىنىن قولدانىڭىز

كوبىمىزدىڭ ۇيىمىزدە الوە ۆەرا تەك ءسان ءۇشىن عانا تەرەزە الدىندا تۇرادى. ياعني پايداعا اسىرۋ ءجونىن بىلە بەرمەيمىز. ونىڭ شىرىنى شاش ءوسۋىن جىلدامداتىپ، باس تەرىسىنە كۇتىم جاسايدى.

الوەنىڭ بىرنەشە جاپىراعىن كەسىپ الىڭىز.

شىرىنى ءبولىنۋ ءۇشىن، ءارقايسىسىن ەكىگە ءبولىڭىز.

شىرىنىن شاشىڭىزدىڭ تۇبىنە ۋقالاپ جاعىڭىز. باس تەرىسىن ۋقالاۋ قان اينالىمىن جاقسارتادى. ناتيجەسىندە الوە شىرىنى تەرىگە جاقسى سىڭەدى.

ماسكانى كەم دەگەندە 2 ساعات ۇستاڭىز. قالاساڭىز، ءتۇنى بويىنا قالدىرۋىڭىزعا بولادى.

پانتەنولومەن ماسكا جاساڭىز

د- پانتەنول - سينتەتيكالىق ۆ5 دارۋمەنى. ول تەرىمەن جاناسقاندا پانتوتەن قىشقىلىنا اينالادى. د- پانتەنول تەرىنىڭ سىرتقى قاباتىنىڭ كۇيىن جاقسارتادى. ونىڭ قاسيەتتەرىنىڭ ىشىندە شاش تۇيىندەرىن قالپىنا كەلتىرۋ، شاش ءتۇسۋىن ەمدەۋ بار.

شاشىڭىزدى كادىمگىدەي جۋىڭىز.

تازا شاشقا پانتەنول (كوبىك نەمەسە گەل) جاعىڭىز. اسىرەسە شاش تۇبىنە ءمان بەرىڭىز.

سونىمەن قاتار پانتەنولدى شاشىڭىزعا تۇگەلدەي جاعۋىڭىزعا بولادى. ناتيجەسىندە ۇيىسقان شاشتار جايىلىپ، ستاتيكالىق ەلەكتردى باسادى.

شاشىڭىزدى جۋعاننان كەيىن باس تەرىسىن سۋىق سۋمەن شايىڭىز

مۇنى ادەتكە اينالدىرۋعا تىرىسىڭىز. سۋىق سۋ ساىڭلاۋلاردى جاۋىپ، قان اينالىمىن جاقسارتادى. ول، ءوز كەزەگىندە، شاش ءوسىن جىلدامداتادى. وعان قوسا شاشىڭىز جىلتىراي تۇسەدى.

شاشىڭىزدى كادىمگىدەي جۋىڭىز.

كونديتسيونەر نەمەسە ماسكا قولدانعاننان كەيىن شاشىڭىزدى سۋىق سۋمەن شايىڭىز.

شاشىڭىزدى الما سىركە سۋىمەن شايىڭىز

بۇل ارەكەتتى ايىنا ءبىر- ەكى رەت جاساساڭىز جەتكىلىكتى. سىركە سۋ شاش تۇيىنشەلەرىنە وڭ اسەرىن تيگىزەدى. سالدارىندا شاشىڭىز قالىڭداي تۇسەدى.

شاشىڭىزدى جۋىڭىز.

كونديتسيونەر ورنىنا الما سىركە سۋىن قولدانىڭىز.

جۋىپ تاستاماڭىز: الما سىركە سۋىنىڭ ءيىسى ايتارلىقتاي وتكىر ەمەس.

اقۋىز ماسكاسىن جاساڭىز

بۇل ءادىس پروتەين جەتىسپەۋشىلىگىن تولتىرادى.

 بولمە تەمپەراتۋراسىنداعى ەكى جۇمىرتقانى الىڭىز.

جۇمىرتقانىڭ اقۋىزى مەن سارىسىن ءبولىپ الىڭىز.

قوسىمشا ناتيجە الۋ ءۇشىن، باسىڭىزدى پوليەتيلەنمەن وراپ، سىرتىنان باس كيىم كيۋىڭىزگە بولادى.

جۇمىرتقا مەن كونياك ماسكاسىن جاساڭىز

جۇمىرتقانىڭ قۇرامىندا پروتەين بار. ال كونياك - شاشىڭىزدى قالىڭداتىپ، ءوسۋىن جىلدامداتاتىن يلىك زات.

ەكى جۇمىرتقا مەن ءبىر ريۋمكا كونياك الىڭىز.

ەكەۋىن ارالاستىرىپ، قوسپانى بۇلعاۋىشپەن شايقاڭىز. ماسكانى شاش تۇبىنە جاعىڭىز.

ەگەر ماسكانى شاشىڭىزعا تۇگەلدەي جاققىڭىز كەلسە، ءزايتۇن مايىن قوسىڭىز. ولشاشىڭىزدى جۇمسارتادى. سۋشميتا شاشىن رەتكە كەلتىرىپ، ساندەگەندە وسى ءادىستى قولدانادى.

ەفير مايىن قولدانىڭىز

جوجوبا، بادام، گۇلشەتەن، لاۆاندا جانە جەبىرشوپ مايلارى شاش تۇيىنشەسىنە وڭ اسەرىن تيگىزەدى. سەبەبى قۇرامدارىندا كوپتەگەن دارۋمەن مەن وسىمدىك كومپونەنتتەرى بار.

ەفير مايلارىن ارالاستىرىڭىز. نەمەسە كوكوس مايى ماسكاسىنا قوسۋىڭىزعا بولادى.

ماسكانى شاش تۇبىنە جاعىڭىز. 2-3 ساعات كۇتىڭىز.

ماي ماسكاسىن جاقسىلاپ جۋۋ ءۇشىن، سابىنسۋمەن ەكى قايتارا جۋىڭىز. نەمەسە تەرەڭ تازارتاتىن سۋسابىن قولدانىڭىز.

 

Stan.kz