سابينا التىنبەكوۆانىڭ سۋرەتى 7- سىنىپتىڭ وقۋلىعىندا ءجۇر

استانا. قازاقپارات - قازاقستانداعى سپورتشى قىزداردىڭ اراسىندا ەلگە كەڭىنەن تانىلعان سابينا التىنبەكوۆانىڭ سۋرەتى 7- سىنىپقا ارنالعان ورىس ءتىلى كىتابىنىڭ ىشىندە ءجۇر.

 دينا يبرايەۆا ەسىمدى ازاماتشا الەۋمەتتىك جەلىدەگى جەكە پاراقشاسىنا وقۋلىقتىڭ بەتىن سۋرەتكە ءتۇسىرىپ سالعان. ونىڭ ايتۋىنشا، كىتاپ «اتامۇرا» باسپاسىنان شىققان.

 «7-سىنىپتا وقيتىن جيەنىمنىڭ ورىس ءتىلى كىتابىندا سابينا التىنبەكوۆانىڭ سۋرەتى ءجۇر. «سۇلۋلىق، انيمە، فوللوۆەر، ينستاگرام... قازىرگى ورىس ءتىلىنىڭ وقۋلىعى وسىنداي سوزدەرمەن تولىعىپتى»، - دەپ جازعان دينا يبرايەۆا.

ايتا كەتەيىك، ۆولەيبولدان 17-  ازيا چەمپيوناتى ءوتىپ جاتقان كەزدە قىتايدىڭ ب ا ق- تارى سابينا التىنبەكوۆانىڭ سۇلۋلىعىن جارىسا جازعان ەدى. وسىلايشا، قازاق قىزى الەمدەگى ەڭ سۇلۋ سپورتشىلاردىڭ رەيتينگىسىنە ەندى. ونىڭ كەلبەتى اسىرەسە شىعىس جانە وڭتۇستىك- شىعىس حالقىن تامساندىردى. قازىر التىنبەكوۆانىڭ Instagram پاراقشاسىندا 608 مىڭ تىركەلۋشى بار.